专访《善男信女》编导杨两全:纷乱世界的温暖,化悲为喜的美善

撰文: 何故
出版:更新:

“大家喺呢个城市,或者喺呢个世代,可能有好多郁结,我希望《善男信女》可以俾大家感受到某种美善。”
文:何故| 原题:《善男信女》:纷乱世界的温暖,化悲为喜的美善!──专访《善男信女》编剧导演杨两全

《善男信女》海报

《善男信女》由杨两全编剧及执导,这是第八届“首部剧情电影计划”大专组优胜作品之一。杨两全毕业于香港中文大学新闻与传播学院,大学时期曾以笔名何其美,与李骏硕及黄嘉祺合编舞台剧《罪犯的房间》,夺得2012年中大四院戏剧比赛优异创作剧本奖。毕业后曾担任舞台剧编剧及透过参加编剧比赛、拍摄短片累积经验,2018年凭剧情短片《白沙堆》夺得第12届鲜浪潮国际短片节“最佳导演”,其后和师兄曾庆宏联合编剧第五届“首部剧情电影计划”大专组优胜作品《过时‧过节》。

《善男信女》是杨两全首部剧情长片,得悉在金马奖获得九项提名后,他的心情是“喜出望外”。

《善男信女》编剧导演杨两全

“因为起初觉得机会系有啲,但冇想过咁多(提名)。”

“你原本觉得有几多个(提名)?”

“可能系剧本啦、新导演啦、同埋男女主角,我起初觉得呢三、四个奖最有机会。”

“你对KP(彭秀慧)冇信心咩?”我打趣地问他。

“佢系演得好好,但系篇幅少啊!咁少嘅篇幅可以攞到提名,系难吖嘛!”

诚然,彭秀慧饰演有听障的剧场导演Jessie Kwan,人物设定和助听器的小道具,都对这个角色很有帮助。

钟雪莹及杨伟伦,双双凭《善男信女》入围金马最佳男女主角,而钟雪莹更是再度挑战影后宝座。(《善男信》剧照)

问杨两全个人最希望拿到哪个奖项,他回答竟然是杨伟伦的“最佳男主角”。

“因为我觉得阿卵(杨伟伦)演得好好,但系佢喺香港以外比较少人熟悉,所以如果佢攞到呢个奖,就可以俾更多香港以外嘅人认识佢。”

“你最想攞嘅奖竟然唔系最佳剧本?”

“都系!希望我同阿卵都可以(攞奖)!”

杨两全在早前某次谢票时透露,他一写完《善男信女》的剧本,就想到由杨伟伦主演,因为“佢嘅幽默喜感,而且市井贴地,𠮶种弱少但系又恶死”,更重要的是杨两全“细细个就睇佢嘅舞台剧”,印象最深刻的是《大龙凤》。“觉得佢做戏好睇啰!”

中大新闻与传播学院的课程及专业训练,对于杨全从事电影制作有什么帮助?

《善男信女》台湾独家特别版海报

“几样嘢。第一样,人物。以前读书时做人物专访,而且,新闻好关‘人’事,我好想知道呢个人点样成为呢个人,呢个人以前经历过啲乜嘢啊?佢点解会走到呢一步呢?我好想谂佢成个人生脉络出嚟,同埋佢做决定背后嘅故事,其实同我创立一个角色,系好接近嘅。”

“对人嘅关心、对人嘅关怀,都系由我读新传(“新闻与传播学院”简称)之后开始。我对社会多咗观察。除咗人物以外,整个社会嘅氛围,亦令我多咗触觉点,都系由𠮶时候开始。”

“好重要嘅系新传嘅人,好似李俊硕啊、Eric Tsang(曾庆宏)啊,呢啲人系同我一齐创作嘅人,呢啲人系好重要嘅!因为做电影唔容易,如果唔系佢哋都一齐做,我一个人自己挨唔到咁耐。

杨两全特别感谢港台节目《铿锵集》前监制萧景路,当年他选修了由萧景路教授的记录片课程,“萧景路老师有几样嘢令我好深刻”。

故事的争执由外卖出错而起,然后中间发生的事不停将矛盾深化,直至一发不可收拾的地步。(《善男信女》剧照)

“你做咗个作品出嚟,然后喺堂上播放,佢系唔俾我哋再去为作品有任何辩护。我认为佢嘅意思系,其实冇人会听你嘅辩护,所以你系交出嚟之前,就要过到自己𠮶关,呢个态度系好重要㗎!然后,我喺佢身上睇到要点样对待受访者,并不只是为受访者著想,而系点样去对待一个‘人’。”

既然杨两全受萧景路影响深远,问他为什么选择拍摄剧情片,而不是记录片?

“记录片对于我嚟讲,有好多不可控。我个人嘅耐性,唔系咁适合,如果我拍记录片,会长期处于不安嘅状态。剧情片,你写剧本系一段时间,拍摄系一段时间,不安亦只系喺呢啲地方。”

《善男信女》里的Jessie Kwan,说她创作的故事是由一句对白开始,但触发杨两全创作《善男信女》,却不是一句对白,而是那段网络疯传菜档大婶跟买菜大叔打交的CCTV片,是由人物开始。电影中有些对白,是他较深刻的,例如若蕾(钟雪莹 饰)在公园跟好友Joey(伍咏诗 饰)说“我终于知道乜嘢系悲剧喇,上帝留返1%俾你去努力,但系𠮶1%你都唔可以去控制,你将𠮶1%放大到100%,咁就系悲剧”,原来这是他在生活上曾经讲过的话,“我曾投过一个剧本比赛,然后衰咗,当然好唔开心,因为我好认真、好努力去写个剧本,觉得应该会得嘅,但系就唔中,然后我同朋友倾讨时,就讲咗一番话,突然觉得好有感觉”因此他选择放在《善男信女》的剧本里。

问杨两全认为《善男信女》是喜剧还是悲剧?“如果要二拣一,我都觉得系偏向喜剧。”虽然我持相反意见,他却回应“最后都系温暖嘅”。对,虽然那盒“干炒牛河”是温暖的,却是“温暖的悲剧”吧!如果真的是喜剧,建议改为男女主角互相帮对方报复,来一个大快人心的结局,“我有谂过呢个可能性㗎,咁样会较为正路,主流,但系我觉得呢个世界就系冇咁容易俾你出返一口气,所有嘢都系硬食,个世界冇变,我哋都只能够咁样生活”。

难道这个就是杨两全希望透过《善男信女》向观众传达的讯息?

“系啊!我反而觉得,可以继续报复落去,系假㗎!观众会觉得出咗一口气,我觉得呢啲只系麻痺,系一种麻醉,我想观众睇到一个同你一样嘅角色,希望揾到共鸣,角色能够行落去,系发现身边嘅一啲美善,呢个系我哋每个人都可以做到!我个人觉得呢种力量,系大过麻痺,我好清楚呢样嘢!”

杨两全在一开始创作《善男信女》,就想好了这个故事名,“我working title已经写《善男信女》”,问这四个字如何打动他,“原先我系想探讨𠮶两个人点解要打起上嚟?了解佢哋嘅初衷而去写剧本,佢哋睇嚟好暴躁,我好想揾返佢哋嘅温柔,所以用咗‘善男信女’,呢个term好玩嘅地方,本身系有善恶嘅感觉,我直觉好适合两个角色”。