喺股票市场呢个大杀场，每日都有无数人想以小搏大，结果好多时都系变咗自刎乌江嘅散户。

专栏名点解叫《凌和游戏》？其实想法来自“零和游戏（Zero-sum Game）”，喺传统金融理论入面，期货、期权甚至短线炒卖，往往系一场你死我活嘅搏斗——你赚到嘅每一分钱，都系人哋输嘅血汗钱。

以客观资料作判断

既然每一分钱都有血有肉，所以如果我哋净系识得用冷冰冰嘅数据去睇市场，未免太过枯燥乏味。我想做一个“特工型”嘅财经评论员，根据客观嘅资料做非常主观嘅判断，该出手时便出手，得饶人处且饶人。

我最喜欢嘅电影系星爷嘅《国产凌凌漆》，笔名“凌凌八”都系由此而嚟，虽然呢套电影我已经倒背如流，间唔中睇返都有好多启发同埋乐趣。电影入面，司令话过：“就算系一张厕纸、一条底裤，都有佢本身嘅用处。”投资亦都一样。好多人眼中嘅“垃圾股”或者“夕阳行业”，只要你识得喺适当嘅时机、用适当嘅角度去睇，佢依然有佢嘅套利价值。

凌凌八唔会教你点样发大达，因为我自己都未发达，但系我希望用到一种比较冷静同埋持平嘅视角，喺漆黑嘅股海中，同大家一齐搜寻萤火虫，帮你喺呢个充满杂音嘅市场入面，揾出𠮶啲被遗忘嘅价值。

投资产品包罗万象

而家嘅投资产品层出不穷，ETF、加密货币、衍生工具……加埋一齐就好似闻西件“要你命3000”咁，样样都有，睇落好劲，但如果乱咁投资，随时伤入肉。我哋唔单止睇大市升跌，更要睇市场背后嘅人性、荒谬。

我明白，大家礼拜一返工已经好辛苦，睇财经新闻仲要对住一堆数字，对大众嚟讲系精神折磨，但系我正正乐于其中，做返最传统嘅睇通告同埋了解公司价值嘅练习，自己消化完，再同读者分享。

下周一，准时接头。

【财经专栏】凌和游戏‧凌凌八一个风度翩翩嘅小股东、老板仔，长年穿梭世界各大城市，见识过资本的贪婪、人性的杠杆，亦曾参与市场上的零和游戏。日常最大嘅乐趣，就喺系漆黑股海中，寻找萤火虫s。

免责声明︰

以上内容仅代表作者的个人立场和观点，不代表香港01的任何立场，香港01亦无法核实上述内容的真实性、准确性和原创性。

另外，以上纯属个人研究分享，并不代表任何第三方机构立场，亦非任何投资建议或劝诱。读者务请运用个人独立思考能力自行作出投资决定。