圣诞节想过得有仪式感，又唔想飞太远？咁横琴长隆就绝对系最啱你嘅目的地啦！呢到唔止有浓厚节日气氛，更加系集海陆空于一身嘅打卡圣地！由交通到食、住、玩，今次一文为你整理出最顺路嘅“一站式满足”圣诞之旅全攻略。

去旅行当然要计划交通，自从港珠澳大桥通车之后，由香港去横琴长隆变得超方便，可以乘坐金巴由香港直达珠海口岸，再转的士去度假区，又或者拣中港通巴士，1个钟就抵达横琴长隆度假区！

长隆飞船乐园：全室内避世之选

一嚟到“长隆飞船乐园”就好似入到外星母舰咁，呢座全球最大室内主题乐园绝对唔系浪得虚名，有超过30项全景式、好玩又刺激嘅游乐设备！第一站就系“虎鲸海洋霸主秀”，为咗最好嘅视觉效果，建议提早入场霸个靓位或者直接买VIP位，近距离欣赏虎鲸大家族嘅震撼英姿。

睇完虎鲸表演唔使四围走，直接到楼下嘅“鲸生鲸世餐厅”食个靓饭先，你可以喺度一边叹美食，一边隔住巨型玻璃同虎鲸打卡，绝对系IG Like数保证！食饱再去挑战“百慕大历险”，系第30届全球主题娱乐协会TEA西娅奖“年度杰出成就奖”得主，呢个高科技体验，坐喺动感平台上面，经历风暴同巨浪，绝对系挑战心跳嘅空中冒险！

想挑战多次极限？“鹦鹉过山车”作为全球最长过山车之一，接近1300米长、20层楼高，离心力极强，等你感受由高空俯冲而下嘅快感，全程尖叫足两分钟！

夜晚嘅压轴重头戏当然系“海洋幻彩烟花秀”，烟花连埋灯光、无人机及水上飞人表演，精彩同浪漫指数爆晒灯！

必睇大Show：长隆秀

嚟到横琴长隆，又点可以错过国际级特技表演《长隆秀》呢？作为第31届全球主题娱乐协会TEA西亚奖“年度杰出成就奖”嘅最佳演艺类奖项，呢场表演汇聚咗嚟自28个国家嘅马戏精英，上演多个曾经喺国际马戏节荣获金奖嘅精彩节目。270度全景式环形舞台，配合埋声光电效果，每一秒都冲击你嘅眼球，保证令你大嗌“值回票价”！

长隆横琴湾酒店：今晚做城堡主人！

玩到攰就紧系要住得好！城堡主题风格嘅“长隆横琴湾酒店”曾经拎过多项大奖，绝对系品质保证！酒店提供有1888间主题客房，首推海景房，一开窗即见到无敌海景！仲有超大横琴湾水世界同海豚观赏池，畀你随时随地都可以同海豚见面。晚餐就可以去“海豚自助餐厅”，就到圣诞节，餐厅更加有多款应节美食，帮大家嘅圣诞之旅画上完美句号！

横琴长隆坐拥4大主题酒店：横琴湾酒店、企鹅酒店、飞船酒店、马戏酒店，而且可以一个价钱无限畅玩飞船乐园同海洋王国，再加上长隆秀和亲子秀等表演，最适合周末快闪旅游打卡！如有兴趣购票或了解更多，请即浏览：www.ChimelongResort.com

限时著数：上长隆海外官网预订有“买2大送2小”优惠

（资料及相片由客户提供）