艺人高海宁（高Ling）早前趁新剧《飞行日志2》延迟开工，放了一个月长假连去三地旅行，高Ling兴奋分享此行是人生首度独游南法。她笑言此行“好恨有艳遇”，可惜最终并未发生，更直言不介意发展异国恋、想生混血BB，但却无法接受远距离恋爱（Long D），自爆“唔叻用message倾偈”。

身为维特健灵祛湿轻代言人的高Ling，刚放完一个月假连去3个地方旅行，心情大靓，穿上米白色超贴身连身裙现身，尽显fit爆健美身材，出席品牌宣传活动。高Ling刚投入TVB新剧《飞行日志2》拍摄，她坦承虽然平日工作忙碌，连运动时间亦买少见少，但近年反而愈来愈fit，能够保持体态重要原因确实跟当上维特健灵代言人有关，“之前做咗维持健灵益生菌嘅代言人，𠵱家再做埋祛湿轻代言人，呢个产品真系好好，因为我真系好冇时间做运动，亦都冇时间煲汤去调理身体，我系靠食呢个产品，令自己可以保持呢个轻盈嘅状态，上镜都冇咁水肿。”

除了吃维特健灵的保健品外，高Ling认为另一个令自己保持容光焕发的秘诀，就是去旅行，但直言正在事业搏杀期，这个方法实在非常奢侈，“我𠵱家最缺就系时间，咁啱个剧延迟咗开工，公司好好见到有个空档，就畀我放个假放松吓，始终之前工作压力比较大，于是我就去咗滑雪，又去峇里岛做瑜珈，再去咗转南法（法国南部）。”原来南法之旅是高Ling人生首度独自出游，“我冇谂过我会做得到呢件事，一路都缺乏呢个勇气，我系个连食饭都好少一个人，自己一个人去旅行得唔得㗎？！今次我系突破到自己，原来只要你想做就得，成功咗之后系好有满足感。”

谈起南法之旅高Ling劲兴奋，提到在社交平台贴出跟法国男仔合照，她即笑言：“你讲个BB呀！哈哈！”不过她也认同若跟朋友同行，绝对影响此行交友成绩，“如果同朋友去旅行，好少同其他人接触同倾偈，但系一个人去旅行，系必需打开自己去同多啲唔同嘅人倾偈，可能要咁样先舒缓到旅程里面一个人嘅孤独啩！”本身爱亲近小朋友的高Ling，此行除了跟小朋友倾偈合照外，还认识了很多新朋友，“会同佢地妈咪倾吓偈，帮佢哋影吓相，系打开咗我嘅人际关系网，我识咗好多法国朋友，有做音乐嘅男仔，佢女朋友就系做手袋品牌嘅Marketing，仲有喺瑞士出发踩单车去南法嘅两叔姪，佢哋70几岁同60几岁，都有邀请我一齐踩单车，如果我唔系有行李都好想加入。”她觉得一个人旅行，可以放空自己，想通不少问题，“喺其他人身上可以睇到有其他嘅生活方法，其实生活系有得选择，呢个都系今次旅程另一个得着。”

至于此行有否艳遇？高Ling坦言：“其实我都好恨今次有艳遇，可惜冇发生到，都唔知点解。”她还表明不介意跟谈异国恋爱，“我当然唔介意啦！缘份安排到系好乐意𠻹！生个混血BB都几好！”不过要远距离恋爱（Long D），她则未能接受，“因为我工作好忙，见面时间已经好少，如果仲要Long D嘅话，我会唔识得点样去维系感情，譬如有啲朋友想介绍男仔畀我识，佢哋话‘识咗先啦，得闲先倾吓偈啰’，其实我系唔叻用message倾偈，会唔知道要讲啲乜嘢，觉得好奇怪，所以未必好钟意Long D。”高Ling认为工作忙是常态，要制造艳遇机会并不容易，预计下次放假去旅行已经要等到下年，“如果到时真系得闲嘅话，我会join苏师傅（苏民峰）去滑雪，因为佢每年新年期间都去北海道滑雪，佢话北海道嘅雪系最靓。”