高海宁（高Ling）今日（17/10）现身机场出席无线（TVB）剧集《飞常日志II》开镜仪式。对于与洪永成再度携手合演《飞常日志II》，高海宁接受《香港01》访问时表示：“其实喺戏入面我好钟意同洪永城嘅感情线，由第一辑到而家嘅第二辑我都系好钟意，喺个角色入面佢系一个极致嘅暖男，不过我好钟意有一场戏，原先系冇谂住咁样做，直至到佢留意到我只眼有湿疹，佢就将啲对话加咗入去场戏度，突然系好锐痛到我个心，变咗𠮶场戏系劲感动。”

提到湿疹最新病情，高海宁表示：“其实而家个湿疹系不定时咁复发，两只眼会围住一圈咁样，有时候痕痒同埋会肿，始终我哋都要用眼去做戏，一定系有影响我工作。但我都有带定药同药膏喺身以防万一，因为如果拍剧嘅时候病发得好严重，就会攞出嚟应急，但平时就唔用咁多类固醇药膏。而家我系中西医一齐睇，中医就系调理身体饮中药。（情绪有有受影响？）系容易焦虑，始终我系想以最佳嘅状态去见人同拍剧。”