郑秀文（Sammi）被通知原定于本周五起，一连三场《You & Mi 郑秀文演唱会2026亚洲巡回终点站－香港启德主场馆》延期举行之后，她表示震惊，尤其对受影响的观众及歌迷深感抱歉，并立即想出补救方案。

前一日获通知演唱会延期

Sammi说：“关于演唱会延期，我觉得需要向观众和买咗飞嘅朋友亲自交代。其实我比大家早一日知道，昨日（5日）大约中午我收到公司通知需要延期。当时为演唱会做紧准备，如火如荼，整个团队同我都好ready开骚。突然收到呢个通知，我有啲震惊，当然亦有失望，毕竟除咗我，仲有好多团队、公司同事，付出咗好多心血，谂咗好多好开心、好兴奋嘅内容。”

Sammi：歌迷点算？

Sammi表示临开骚前收到这个消息，一点也不好受，续说：“当下我系好失望，但我个脑第一件谂到系啲歌迷点算？买咗飞嘅观众点呢？好多歌迷特登飞嚟，订机票、酒店，为咗睇Sammi演唱会花咗好时间、心机、金钱，𠮶刻我心急如焚：‘我应该点呢？’我第一吓‘歌迷点呢？买咗飞嘅观众点呢？’

第二，我对于公司决定，系理解，我用咗好短嘅时间去消化呢个通知，我觉得作为公司要做呢个决定系相当艰难，我理解，呢个决定亦相当审慎，将‘安全’放大前题，系正确，对于公司决定我表示尊重。”

做3场“答谢会”以歌会友

Sammi好贴心，为观众提供后备方案，她说：“所有观众都好ready嚟睇呢个演唱会，系咪要完全取消晒呢？既然个场地仍然喺度，最大嘅硬件：Sammi 仲喺度，我仲有Dancers、音乐、我嘅歌、我仲有观众嘅时候，我可以谂啲方法令观众嘅伤害唔好咁大呢？无论时间、情感、金钱嘅伤害唔好咁大。我知无可能有完美方法，因为每一个观众花咗嘅心力、时间都唔同，我点可以将伤害减到最低。所以同公司喺好短嘅时间商量，喺呢三场做‘答谢会’，以歌会友，一个半小时。”

演唱会延后 望给予一个具诚意“交代”

昨日收到通知后，Sammi已立即跟所有团队，音乐、排舞师，造型师、台灯声团队开紧急会议。她说：“因为演唱会延后，先摆低。重新谂一个rundown、新嘅流程，好好做好呢件事，起码同观众有个交代。呢个唔只系‘交代’，仲系‘诚意’。当然大家都唔想发生呢件事，但无理由观众承担，我能够做嘅系，既然我呢个硬件仲喺度，我点都做到一件事出嚟，呢个系我唯一谂到。所以昨日密锣紧鼓谂新rundown，昨日亦会开好多会，因为时间多头猝，手头上看似又好似冇乜，点样喺呢个状态下，衍生一个起码让观众寛心满意嘅‘答谢会’？其实都好高难度，我哋会尽力。点样喺几万人嘅场馆做呢件事？我只能带信念，我好想畀观众知道我哋好尽力、好有诚意去承担呢个责任。

我要再讲一次，我真系好抱歉、好抱歉，对于买咗任何一场飞嘅观众，为你哋做成不便。情感上𠮶种痛、𠮶种伤害，金钱、时间、心路历程、为咗扑飞花咗嘅心血，我真系好抱歉。去到呢刻竟然发生呢件事，相当之抱歉，我应承大家喺呢三场答谢会，我同我团队一定会尽一切努力，希望可以补救大家一啲损失。我唔敢期待所有人理解，我会尽力做好自己应该要做嘅嘢，多谢大家！”现在Sammi正积极为“答谢会”彩排，星期五见！