《第44届香港电影金像奖》宣布提名，张继聪凭《金童》入围最佳男主角。当知道自己入围，阿聪立即想起的不是自己，而是一直以来《金童》有几多人帮过自己。“谢票都百几场，当中有好多画面。”而得知自己的对手有梁家辉《捕风追影》、陈家乐《像我这样的爱情》、以及古天乐《私家侦探》和《寻秦记》，他便笑说世界冇人斗得赢古天乐，“佢真系《天命最高》。”他更想起早在1985年，第一套拍的港台剧集，就是跟梁家辉合作，饰演他的父亲。

对于同片的李佳芯（Ali），凭一幕戏便入围最佳新演员，他都感谢Ali的帮手，亦觉得她客串的那场戏不容易︰“记得叫佢拍𠮶场戏，始终佢唔系喺剧组入面，唔太清楚成套戏，所以我一叫佢嚟到，就一定要进入‘情感的禁区’，你个角色就嚟死喇，要即刻投入。我都希望日后佢可以喺电影圈多啲同观众见面。”

嚟紧四月即将举行演唱会的阿聪，今次演唱会主题系“What's Next”，这亦是对自己入行廿年后的一个提问，更透露将会由三月开始排舞︰“今次真系去尽，而我嘅物理治疗师亦已经准备好，上年都处于养伤状态，终于医番好条腰，希望今次会有不少跳舞表演，谂住令所有女性观众尖叫，好似镜仔（MIRROR）咁。”至于操肌方面，阿聪的确都有谂过，亦有向师傅Brenda提出，但佢即刻应我一句︰“你咪啦，条腰啱啱先好番又搞呢啲嘢，搞到周身伤。所以除衫就未必。”

同样入围最佳男主角的梁家辉《捕风追影》，就透过经理人回应︰“我啱啱收到消息我入围咗香港电影金像奖嘅最佳男主角，但其实我心里面最高兴嘅系听到名单之后，原来我身边所认识嘅友好，包括《风林火山》、《捕风追影》里面嘅演员都有入围，觉得呢个系我最开心嘅一件事 。其实作为演员能够有作品入围，获得大家肯定系一件开心嘅事。”