谭咏麟《刻骨铭心世界巡回演唱会》Part 2情不变篇，今晚（22/9）举行尾场，谭咏麟唱到最后一首歌《讲不出再见》流著两行眼泪，感性说一句：“我会永远永达记住呢一刻。”然后向观众送上飞吻，演唱会唱接近12点圆满结束。

其实在流泪前，谭咏麟已在台上说下一番肺腑之言，他讲到今次演唱会在坊间带来很大回响，令他全晚不断讲同大家讲多谢，但他提醒有一个人，大家都应该要亲自说一声多谢︰“就系你哋都要多谢你自己，正如头先华仔（刘德华）及克勤（李克勤）上来，佢哋表达咗份感觉，过去好多青春和回忆，系被时间磨灭咗，冲洗咗。今晚透过音乐及我嘅歌攞番唔少回忆。”

个唱似“失物认领处”寻回青春和回忆

校长更以“失物认领处”来形容每晚的演唱会。“有很多已经忘记，或者不敢去想的回忆，都竟然在今晚，喺呢度好似失物认领处咁，揾番唔见咗嘅嘢，我见到大家有开心跳跳下，有流两行眼泪，甚至乎有啲一路听住音乐，冇开过眼，完全浸淫番自己当其时嘅回忆片段。今晚喺度同大家打开回忆保险箱，你哋要多谢自己肯伸手入去呢个保险箱，攞番回忆同埋当时嘅青春出嚟，你哋会发觉当细味呢啲回忆之后，其实呢啲所有片段，都一直存在，保存喺心入面。”随后便唱出经典金曲《爱在深秋》。