“一脚踏五船”桃色风波爆发后，Steven曾对外自称患上“性上瘾”，这三个字从此成为他撕不掉的标签。在专访中，他首度亲自解画，坦言这是一生中最懊悔的失言：“点解会有‘性上瘾’呢三个字出现呢？我记得做错事俾人爆出嚟之后，我返TVB拍节目，喺一厂门口记者等紧我……突然间有位记者话：‘你咁样会唔会系患病？会唔会系性上瘾之类？’跟住我就回咗一句：‘可能有咁嘅问题。’”

标题写“张致恒性上瘾”：唔好受

他苦笑指，当时纯粹是想开个玩笑打圆场：“我冇证实过呢件事，亦都唔系话要特登话俾人听，系，我系性上瘾，我一定要揾女人！”然而，祸从口出，这句玩笑话让他身败名裂：“呢三个字，其实喺呢十年以嚟，对我嚟讲系一个最大嘅伤害。每一次见到标题写住‘张致恒性上瘾’，系唔好受。”

他坦言自己的性格确实有致命缺陷：“我由细到大都有个缺点，就系我好容易钟意一个人……只要对住𠮶个人耐咗，就好容易产生一种想同佢一齐嘅感觉。”这导致他同时周旋于多名女性之间，“所以一直以嚟，啲人都话我系一个渣男……其实所有问题都系由我制造出嚟，如果我唔做𠮶个动作（公开贴文），可能一直都唔会爆出嚟。”

相关新闻：专访丨张致恒一脚踏五船毁星途　含泪向关智斌认错 ：对唔住

坚拒领综援　财务公司侮辱逼唱《死性不改》

负面新闻令张致恒演艺事业直插谷底，唯有放下昔日“艺人光环”，做过面厂、洗碗、拉宽频线、跟车送电器等散工。他甚至曾去酒店应征房务员，却被经理当面拒绝：“你唔使嚟喇，你走啦……我唔想你影响到酒店，俾人影相话你呢样𠮶样，咁样会影响酒店声誉。”

长期入不敷支，如今已背负逾百万巨债，一家六口穷到连近万元的电费也交不出，屡遭截电甚至被迫搬家。走投无路下，Steven曾走到旺角向财务公司借钱。“见到我张致恒都唔想借……唯独呢一间财务公司，倾完之后，话‘你依家唱首《死性不改》俾我听，我减你啲利息’。”面对如此奚落，他深感侮辱，最终咬紧牙关没有唱。

即使穷到绝境，他仍坚拒网民劝他申领综援的建议。他解释，童年时父亲曾领取综援，他需代父去郊野公园、沙滩捡垃圾做社会服务，留下极大心理阴影。“我好抗拒‘综援’呢两个字……如果你攞咗综援，依靠综援生活，你真系唔会再有去赚钱或者去努力嘅谂法。”加上申领综援便不能聘请外佣，他与太太根本无法独力照顾四个幼子。“如果冇工人，得我同太太困兽斗嘅时候，会唔会离婚仲快呢？”

咬紧牙关凑病儿　坚拒与老婆离婚保完整家庭

现时Steven与雯雯育有四名儿子：7岁的大仔天宝、6岁的二仔天牧、4岁的三仔天朗，以及3岁的细仔天乐。照顾这四个孩子，几乎耗尽了他们所有的精力。Steven在镜头前眼眶通红，谈及孩子们的病况。大仔天宝有情绪问题，性格焦虑敏感，更曾表示不喜欢二弟；而二仔天牧则确诊自闭症及过度活跃症（SEN）。“佢坐喺度玩屎抹落幅墙度……佢有时会突然间惊醒，大嗌‘爸爸拖住拖住’，我要即刻拖住佢，佢先可以瞓得着。”四岁的三仔天朗更是早产婴儿，呼吸系统有问题，“因为佢系早产BB，呼吸唔太好……晚晚都要闻气。”

为了照顾孩子，夫妻俩被迫分房睡。Steven与二仔、细仔同房，雯雯则照顾大仔和需要闻气的三仔。面对沉重的生活与医疗开支，Steven坦言每晚都被压得喘不过气：“每日都好徬徨……自己会偷偷地，等佢哋瞓熟晒嘅时候，自己走出露台喊。每晚祈祷，我都同耶稣讲，你带我走啦，我唔想烦，你带我走。”

而妻子雯雯因长期处于高压状态，经常在社交平台发表负面帖文公审他，更多次大吵大闹要求离婚，被网民戏称为“离婚界KOL”。面对妻子的炮轰，Steven选择默默承受：“我唔会阻止佢上网，点样去闹我、讲任何说话。如果佢连唯一发泄嘅地方都冇，我担心最快黐线𠮶个系佢。”

无论任何人劝他们分开，Steven都坚拒离婚。“我觉得一个完整嘅家庭，必须有父母同小朋友先算系完整家庭……就算几辛苦都好，我唔想小朋友喺单亲家庭入面长大。”他甚至悲观地表示：“如果俾我拣，我真系宁愿佢哋冇出世……总好过依家一直跟住我去挨。”

想详尽知道张致恒的故事？请上《香港01》YouTube睇足本访问！