方泽系香港建造学院建造证书（水喉）嘅毕业生，佢成功获选代表中国香港，出战喺上海举行嘅世界技能大赛管道与制暖（管道及制暖）项目。当初选择修读呢项课程，佢除咗考虑就业出路，亦期望透过职专教育发掘个人潜能，挑战更高嘅发展舞台。由掌握基础技术，到同世界各地选手切磋、竞技，佢期望继续累积更多技能同专业资格。

修读建造学院课程　将所学应用于比赛

回想当初点解修读呢个课程，方泽表示喺众多学习选项之中，水喉课程比较容易上手，业界亦有不少发展机会。除咗就业方面嘅考虑，佢亦希望接触多元嘅专业知识，借此丰富个人阅历，突破自我。

方泽指课堂上所学嘅内容同比赛项目有唔少相似之处，例如在学期间接触过嘅卡管同焊接等技术。虽然比赛使用嘅弯管器有所不同，但操作技巧同精确计算嘅原理一致；而卡管技术就同样需要运用机器辅助完成模组制作。喺课程累积嘅扎实功底，成为佢备战世界技能大赛嘅重要根基。

韩国交流赛累积宝贵经验　高强度训练建立自信

参与国际赛事嘅成长路上，方泽亦经历过磨练同调整。第一次前往韩国交流赛时，经验尚浅嘅佢睇到自己仍有不少进步空间，就系呢次经历，成为咗佢嘅推动力。随后嘅高强度训练，除咗技术有所提升，心理承受能力同自信心亦明显增强。

订立详细训练时间表　实战吸收各地选手技巧

为出战世界技能大赛，方泽做咗充分嘅准备。佢跟住专家规划嘅详细时间表，进行单项及大型模组训练，亦藉住模拟赛事试题，深入了解比赛当中可能出现嘅模组。

佢亦留意到，部分国家或地区嘅选手拥有大约三至四年嘅训练时间，累积咗比较丰富嘅参赛经验。面对其他选手嘅优势，佢更珍惜同场比拼嘅机会，喺实战过程中汲取唔同选手嘅独特技巧同心得，持续提升自我。

从学习蜕变成长　以专业牌照为目标

回顾入读香港建造学院之后嘅转变，方泽觉得自己无论系性格抑或能力都有所成长。喺日常工作中，佢经常需要同伙伴沟通、讨论同互相协作，不知不觉锻炼咗自己嘅表达能力同团队协作能力。展望将来，佢希望可以考取专业牌照，继续累积经验，争取更多元嘅发展机会。

职长UNLOCK：掌握“职”业资讯　发挥个人专“长”

VPET 职专教育一直以技能为本，著重职业导向嘅实战学习，鼓励学生按个人兴趣同专长，及早解锁专业知识、掌握实际技能，为未来职涯规划做好准备。

想发掘更多升学同行业资讯，欢迎浏览职专教育网页，搜寻心仪课程、了解资历架构同埋各行各业嘅发展前景；亦可追踪官方Facebook及Instagram专页，紧贴最新嘅行业动态。

呢个系列会先后同四位中国香港代表队选手进行访谈，除咗管道与制暖（管道及制暖）嘅方泽 ，仲包括糖艺/西点制作（西点制作） 、时装技术（时装科技） ，以及制冷与空调（空调制冷）项目选手。佢哋会分享从选择修读职专课程，到踏上世界技能大赛舞台嘅心路历程，令大家更深入了解职专教育如何协助年轻人解锁潜能，记得密切留意！

（资料由客户提供）