伍咏薇、李凯贤（Brian）拍摄HOY节目《九运会客室》在网上大受欢迎，当中嘉宾爆料环节令人非常期待！伍咏薇表示节目嘉宾以“中女”为主，充满人生故事：“节目个内容我都有兴趣嘅，因为我自己都中女嘛。节目中有师傅坐镇，我觉得成件事都几大包围！我个人觉得同李凯贤有化学作用，互相做‘上、下把’，大家一路进步紧，愈做愈舒服、愈访问得愈好！”

伍姑娘爆邀请嘉宾被拒

伍姑娘表示邀请嘉宾时，曾试过被人“拒绝”：“佢哋都会睇定啲嘅，依家佢哋 know 咗我哋嘅内容，有啲朋友会打嚟话想上我嘅节目！依家访问中女有返咁上下年纪啦，以前以前点样挨呀，去到依家点样成功，我希望好多香港嘅女人见到‘原来我都可以做我想做嘅嘢㖞！’Just do it!”

李凯贤笑指以为50岁以上才称为“中女”，笑指拍档伍姑娘做“‘阿婵’级”主持：“我当然知伍咏薇小姐系边个啦，咁第一次接触，我feel到佢个人真系nice嘅，即系有时可能啲动作比较癫咗少少，一路做慢慢夹，我feel到佢一个好嘅人！”李凯贤表示最难忘与罗霖访问：“罗霖系其中一个最钟意嘅，佢真系好好！当年嘅《真情》首歌好似国歌咁，一听到就要起身致敬。”

伍咏薇预告嘉宾“话题十足”

佢哋二人预告今晚播出版将访问简慕华及梁嘉琪，当中更涉及娱圈“咸猪手”，伍姑娘重提昔日往事：“当年我未入行去坐地铁，遇到一个人用性器官‘顶’住我，我已经中途捉住佢嚟闹，好在身边都好多街坊帮手，其实我想话俾大家知遇到呢啲嘢要讲出嚟！”伍姑娘亦话冇预期杨思琦嘅访问会炒起话题，更大赞对方！

二人聊得兴起之际，有线宽频首席内容官严嘉念表示正计划开拍第2季，期望今年内添食：“依家网上播放足本系新兴趋势，佢同传统嘅电视观众系两批客群，变相网上好似‘第4个台’咁，加上网上审查冇咁严格。开拍新一季最紧要主持有期拍摄，期望今年内开工。”

伍咏薇回应思琦风波拒缉凶

伍姑娘亦话冇预期杨思琦嘅访问会炒起话题，表示二人合作过两次，更大赞对方准时，合作得好舒服：“因为我作为一个主持去分享一件事而冇参与过嘅，咁我系分享紧、讲紧人地嘅事，咁出嚟好大回响都系问返佢唔会问我嘅。咁啱工作我有份参与，我自己系将一件真实拍戏有喜、有落，有开心、有唔开心嘅事分享。我地系分享型式，我系估唔到有咁大嘅回响，‘边个边个、谁是凶手’𠮶啲游戏，我就无玩呢一样嘢、无谂过呢一样嘢嘅。如果你问我系咪边个？我系唔会答。因为我同思琪妹都觉得因为节目𠮶度讲开呢个话题，就讲开呢件事去做，而且真人真事嚟，佢都知我地会倾呢件事。”