女人要安全感，男人也要安全感！有人妻于网上大呻，月入9.8万元的老公不肯上缴全部收入，虽然家庭支出及住宅按揭还款基本都是老公支出，但不满老公“死都唔肯”将每月剩余的2.3万元交给她保管，她觉得不被信任，认为自己只是一起供楼和吃饭的合租人，甚至开始“乱谂”老公是否想留钱养小三。

网民纷纷批评人妻，“信任来自于𠮶啲钱妳都几肤浅，无咩资格讲感情”、“你都黐X线，9成9支出都系个老公出，连最后2万几都想阴干埋佢，佢系老公定奴隶？唔见老婆拎埋个万几畀个老公安全感？”、“呢把叫什么尺，系叫得寸进尺，大部份开支男方畀晒，仲要连人哋小金库都食埋，如果知道另一半咁恐怖，一定写好平安纸一分钱唔畀佢”。

该人妻投稿至facebook专页“婚后呢几年”问道：“老公月入$98k都唔肯‘上缴’？我系老婆，定系合租？”人妻透露与老公同为42岁，老公月入9.8万元，她月入2.5万元，每月2.5万元住宅按揭还款由老公支出，每月4.7万元家庭支出基本都是老公出，她有时心软，就会补贴1万元。

人妻呻老公不肯全数上缴9.8万月入

人妻指出，计算所有支出后，老公每月大概还剩余2.3万，她则可将2.5万元月入储起，如果她补贴1万元，就剩余1.5万元。此外，“逢年过节、红包、两边父母礼数，多数都系佢出得多。情人节礼物？佢唔买嘢，直接畀现金我”。

人妻：死都唔肯将剩返𠮶2.3万交我保管

人妻续说，“听落好似好OK，系咪？但我最顶唔顺系，佢死都唔肯将‘剩返𠮶$23,000’交畀我保管”。人妻尝试说服老公，“你公司食堂都有9折，你返工又唔使点使钱”、“我畀你每日$200都够啦？”、“晚餐我哋都系买外卖返屋企，偶尔我去卖场买啲𩠌简单煮，唔系大使”。

惟老公“1句顶返嚟”指出，“我出面都要用钱”、“聚会、股票、怕突然冇钱”、“你唔好成日谂住攞晒嚟管”，人妻解释“我唔系要管你，我系想屋企有安全感”，老公回应“安全感唔系靠你拎住我啲钱”。

人妻乱谂：系咪真系有小三？

人妻说，“讲到呢度就卡死，佢唔妥协，我再讲就变吵架。最刺痛系——我身边朋友啲老公，10个有9个都系人工上缴老婆。唔系话一定要跟，但至少我会觉得，佢哋肯交，代表信任，代表‘呢个家我同你一齐’”。

人妻觉得她每次一开口，老公就认为她“系要抢钱咁”，她觉得自己像外人，“好似我哋唔系夫妻，只系一齐供楼、一齐食饭嘅合租”，她甚至开始“忍唔住乱谂”，“佢死守住𠮶$23,000，系咪因为有嘢唔想我知？系咪想留‘活动基金’？系咪……真系有小三？”。

人妻：我唔系贪佢钱

人妻知道“咁谂好难听”，但亦指出“香港而家乜都贵：买𩠌、外卖、管理费、保险、覆诊……样样都烧钱。我唔系贪佢钱，我系怕有一日出事，我先发现自己乜都冇份、乜都唔清楚”。

人妻求助网民问道：“男人唔肯交钱，系正常？定系佢根本唔信我、唔当我系自己人？如果你系我，你会点做？你会继续忍住唔讲，定系一定要同佢讲到有共识？”

网民：老公每月付出7万几已算尽责

网民一面倒批评人妻贪得无厌，“人心不足蛇吞象，反思吓自己噏乜先啦”、“乜X嘢叫心软会贴1万，头家你冇份嘅？黐线”、“1个揾$98,000嘅男人，每日得200蚊使，点出去应酬搞好人际关系！”、“1个男人如果努力揾钱，但一出粮就无晒，就会无晒努力嘅动力”。

网民亦指出，“老实讲你老公每月已付出7万几了，已经算尽责了，家庭开支已经唔使你烦，你每个月揾2万5自己使，仲想吞埋你老公最后2万几，男人都需要安全感，1个男人裤袋冇啲钱傍身点得，你放过你老公啦，你再逼佢真系会崩溃，到时真系唔知发生咩事”、“不如你谂下点样可以同你老公嘅收入拉近啲距离，努力揾钱分担下好过睇住佢个两万三啦”。