正所谓男女有别，作为成年人更应懂得避忌，以免招人话柄！有乘客在网上发文，指日前直击有伯伯携带女童搭乘港铁，但对方将手放在女童胸前，甚至曾“（用）只手喺度揉个胸”，未知是否自己多虑，故拍下照片询问网民意见。

有网民批评伯伯举动令人起疑，“男女授受不亲”、“我系女人都唔会掂小朋友个胸”、“做咗咁多年人，唔系唔识分𠮶个系敏感位置呀”，认为楼主应即时报警，或向女童就读学校反映。不过有留言觉得他人太敏感，“伯伯呢个高度揽住妹妹都系惊人撞到佢保护佢啫”、“如果佢有心搞个𡃁妹，就唔会大庭广众摸啦”。

港铁伯伯手放女童胸前　被指曾有揉胸动作

该目击乘客在threads帐号上传照片，显示有老伯携同女童搭乘港铁，当时车厢内仍有空位，未至于非常挤迫，两人站近车门边位置。女童背脊挨靠伯伯，伯伯则将手放在她胸前环绕，楼主形容“走𠮶阵仲见到个老人家只手喺度揉个胸咁”，觉得如此情况实在奇怪，故贴图询问“系我多虑咗定系咩”。

网民认出女童就读小学　认为“见疑即报”

有网民透过女童校服、学生证套颈绳，认出她就读沙田大围某小学，认为楼主应该要“见疑即报”，“如果并非误会就保护咗女童；如果系误会，正常屋企人只会感激有人保护囡囡”、“楼主可以email张相去小学，至少畀女童亲人或师长一个awareness”、“你有无影到佢搓个胸嘅影片？我觉得要保护女童，因为佢嘅父母未必会知，以为交俾信任嘅人”、“就算个长辈无心无意图，起码畀佢知道有咩地方唔可以摸，宜家啲小学生好细个已经开始发育，佢只手咁样摆更加唔恰当啦”。

老伯被批不懂避忌：男女授受不亲

更多人批评老伯不懂避忌，“君子不立危墙之下”、“男女授受不亲”、“我话知你系佢阿爷（定）系佢老豆，个女仔已经高到你心口即系有咁上下大，你都无边界感”、“阿伯做咗咁多年人，唔系唔识分𠮶个系敏感位置呀”、“我系女人都唔会掂小朋友个胸”、“我系妈妈，除咗细时要帮佢冲凉𠮶阵，都无咁放过只手喺我囡嘅呢个位置”、“贴到咁埋已经会有唔舒服感觉”、“点解唔2个人一齐扶住条扶手？宜家又唔系无位企，你咁样揽个细路，一耷车就2个一齐仆低”。

网民反应太敏感？　另有意见相信纯属误会

惟有部份留言指以上网民太敏感，“伯伯呢个高度揽住妹妹都系惊人撞到佢保护佢啫”、“唔好成日带有色眼镜去做人”、“如果佢有心搞个𡃁妹，就唔会大庭广众摸啦”、“求其影张相就人格谋杀个阿伯”、“呢个动作keep咗几耐？一下定几分钟？定系不停重复呢个动作都会有好大分别”。但有人就反驳，“对于呢啲事敏感啲好”、“好多儿童被性侵都系熟人所为”，认为即使担心女童被撞，亦有其他保护方法，“其实可以捉膊头或者叫佢自己紧握扶手”。

（threads＠idjdnkx）