陈奕迅Juno曾合作一首歌从未曝光　曾怕受抨击︰落街买咖啡都唔敢

陈奕迅近日为宣传演唱会纪录片，四出做访问，最近便接受资深传媒人金成的频道《叔叔的爱》，细谈自己近年的转变，由横跨3年超过182场的《FEAR AND DREAMS》巡回演唱会，个人性格的转变，面对抨击的抵抗力到移民问题都一一分享。【点击睇片】

访问内容由最近终于完成的巡回演唱会开始，Eason并忽然谈起一个小故事，事情发生在2017年，其中一位主角是Juno麦浚龙，他找Eason写歌。“我唔知点解揾我，系揾我写歌！佢有个故仔、有个角色，我听完系觉得几有趣，于是提议揾Jerald编曲、监制，Wyman填词。当然这首歌到现在都未出，都十年喇，首歌佢畀钱做，由佢啦！”但正正是这个启机，Eason跟Jerald再续缘，合作一张国语碟《C'mon in~》攻大中华市场，继而开启了往后的巡回之路。

怕畀店员话︰“呢度唔欢迎你㖞！”

在演唱会纪录片中，Eason自爆有焦虑症，而访问中他都分享自己，曾经对坊间的批评很在意。“当时有很多人抨击我，我不断看，不断畀人骂，不自觉又会好上心，好唔开心，搞到我连出街想买杯咖啡都唔敢，怕畀店员话︰‘呢度唔欢迎你㖞！’系会惊到咁，你话几低能！”后来Eason终于鼓起勇气，踏入这间两个多月冇去的咖啡店，当时还一脸不好意思，但原来乜事都冇。

澄清澳门场“讲国语”事件

Eason曾经是率性敢言的代言人，但近年社会风气改变，加上身份及在别人眼中的地位不同，自觉言行都要谨慎一点。“性格改唔到，就改变行为。”但早前在澳门场，因为台下有观众大喊“讲国语”，顿时触发Eason的神经，在台上爆发。关于这件事，Eason强调要澄清一下。“我系冇嬲呢位观众，喺现场我亦唔觉得佢冇礼貌，佢系好斯文，有礼貌的。只系佢唔好彩，当我用紧自己最舒服嘅方法讲紧嘢时，有人打断我，我就嬲喇！”

Eason表示当晚其实好紧张，因为是澳门第一场，“其他地方我好清楚会系咩观众，但澳门我唔清楚，而当晚唱到中段，见到有人拉队走， 一个男士带住一堆女仔，廿几人一齐起身走，做咩要走呢？系咪我做得唔好呢？当然，后来同事会安慰我，话可能赌客赶住去玩等等，但我当时系特别紧张，讲嘢被人打断就即时有呢个反应。”

“香港系我出生，亦都系我走嘅地方”

最后谈到近几年，香港人最多人讨论的去留问题，Eason坦言都有想过这问题︰“自己会唔会生活喺其他地方呢？平静啲，一个冇乜人识自己，可以去到闹你就闹你，唔使再为自己的身份而对你客气，见到唔啱嘅事可以尽情去闹人，过率性而为嘅生活，系咪有呢个面要。但真系觉得香港系我出生，亦都系我走嘅地方，喺呢度嚟呢度走嘅地方，呢个地方太靓，我唔会适应到喺其他地方生活……我会出出去见下大世界，但系香港就系我嘅家，巟毫无疑问。”