《2025年度叱咤乐坛流行榜颁奖典礼》记者招待会昨日（20日）举行，女团COLLAR今年极有可能问鼎组合金奖，沈贞巧（Gao）表示自己冇谂太多，因为今年大家都忙于开演唱会和个人Solo，李芯駖亦坦言较佛系，总之做到好作品就开心。邱彦筒（Marf）就说：“我哋好期待表演啰，如果真系有奖嘅话，我谂表演对我哋系一个更加好嘅bonus，可以跳多次我哋啲歌。”

当讲到若COLLAR能夺得“组合金奖”，将会是继2005年Twins获得组合金后，相隔20年再有女子组合夺得这个奖，COLLAR听后非常惊讶：“真系㗎？呢个真系唔知㖞！咁呢个真系几开心㖞！”之后她们就开始想当年，Gao笑言：“我好钟意Twins㗎！我超钟意㗎！以前一定要做是但一个。（陈泳伽Winka：我做阿娇。）咁我做阿Sa啦，哈哈！”Marf更自爆儿时曾在Twins演唱会跟她们握过手，但记忆很模糊，“我同佢哋握过手呀，细细个𠮶阵，因为我睇佢演唱会啰，其实我系俾人抱住出去呃，𠮶晚我就唔肯洗手。我仲有得佢哋送俾我嘅公仔，呢个系我剩余嘅记忆。”不过Marf入行后未有向Twins讲过此事，但就赞Twins好靓，即使现在看上来都跟COLLAR差不多年纪。

许轶（Day）是今届新人，问到有冇信心攞新人奖，队友抢答：“有！”她即乘机宣传新歌：“因为我前几日先至出咗首歌《これも爱》，快啲去听，好好听，所以有信心。”她认为每年新人奖都好大竞争，自己倾向以七而为一的力量去做歌，Gao则鼓励她，无论有无奖，最后COLLAR都会颁奖给她。

今年师兄MIRROR缺席颁奖礼，被问影响大不大，芯駖：“其实都冇谂咁多，因为我哋系女团，如果系男团嘅就有啲影响。其实都冇，我哋都系独立嘅，每一个团队都系独立，冇话边个影响边个。”Gao觉得《叱咤》是香港人每年的集体盛事，其实好有能量，MIRROR有工作在身无法出席也可以理解，无需特别觉得可惜。

至于另一女团Lolly Talk早前传出冇粮出及财困，芯駖笑言有很多朋友都问她是不是真事，但其实她完全不清楚，并反指记者“你哋应该仲清楚。”Day曾是Lolly Talk创始成员，被问有否关心她们，Day则表示近日忙于宣传新歌，未有太留意，Marf相信她们可能自己内部有事情去处理，不便打扰，而苏雅琳Ivy亦认为不宜爆其他人的私事。有记者提议小富婆Ivy借钱给Lolly Talk，她笑问：“（有钱）边度听返嚟㗎？（Gao：观音借库 ，听者有份，边个听到呢条片就可以问佢借库！）”而当Ivy问：“你系咪做观音兵吖？”现场男Fans在远处听到立即举手申请“入伍”！