天后莫文蔚昨日（3日）于记者会中宣布《莫文蔚 THE BIG BIG SHOW 大秀一场 香港站“家场”限定版》将于12月20日在启德主场馆隆重举行。莫文蔚坦言心情非常兴奋：“真系期待咗耐，同埋可以嚟启德做show真系好兴奋。喺自己屋企屋企，喺自己地头度做最尾一场，其实系好正！”

莫文蔚透露香港站作为尾场，内容绝对会“加料”。在内地巡演时，歌单以国语歌为主，但今次香港站她则预告将会满足本地乐迷：“今次会多返好多广东歌，好多香港乐迷等咗好耐嘅经典歌都会唱。”她笑言目前仍在为歌单“头痕”：“想唱嘅歌太多，个rundown真系排到头都爆！”至于乐迷最关心的嘉宾阵容，莫文蔚笑言已广发英雄帖：“邀请紧好多朋友嚟玩，愈多愈好啦！”不过她亦坦言，演唱会临近圣d诞节，许多朋友可能已安排外游：“好多人可能已经去咗滑雪啊、放假咁。”

除了歌单，舞台设计亦是焦点。莫文蔚表示香港站将保留她最爱的超长T台，让她可以近距离与观众互动：“我最钟意行T台，𠮶种感觉好正。启德个场咁大，可以有catwalk，一定好有气氛。”但是被问到会否照顾到较高楼层的粉丝时，她表示可能要下次了：“因为我哋都系用返之前个show，因为要keep返系‘大秀一场’𠮶个神随，所以基本上个设计系一样嘅，主要如果有变嘅就系歌嘅内容。”

“大秀一场”巡演的另一大看点，绝对是莫文蔚的多套华丽战衣。被问到香港站会否有全新造型，莫文蔚卖关子说：“新嘅一定有，都会有之前大家都话想亲眼睇嘅靓衫都会再出场。”提到演唱会服装极度性感，莫文蔚即大笑，并将矛头指向设计师：“我都唔知点解𠮶啲衫依家整到愈嚟愈少布！”她直言，服装的目的是要“Show吓身材”，务求“闪爆全场”。

不过，华丽背后代价不菲。莫文蔚自爆多套战衣其实“重过千斤”：“有啲衫真系重过我本人体重！尤其系加埋啲头饰、同埋啲好重嘅鞋。”她坦言为了驾驭这些舞台服，必须下苦功：“一定要去做Gym，练返啲Muscle（肌肉）先至著到。”

提到德籍丈夫Johannes，莫文蔚笑言老公必定会来港支持，但主要负责“喺后台打点”。被问到会否继红馆演唱会后，再次夫妻档上台弹琴，莫文蔚即耍手拧头：“唔好啦！”她笑言老公上次表演后“自信心爆棚”：“佢有好多Fans，咁就开始有啲身痕，觉得自己都得㖞（可以做幕前）！”莫文蔚故作严肃地说：“唔好开多瓣。”被问到老公有否要求上台时？莫文蔚大笑道：“佢冇正式入纸申请，等下一个Show先啦不如！”