陈健安将于2026年1月10及11日，在西九文化区安盛竹翠公园举行一连两场《陈健安时的状态演唱会2026》，歌迷们反应热烈，安仔拍片表示“开心到飞起”。陈健安第四首派台作品《伊甸有歌》MV已于11月10日上架，MV中集齐四代香港人气女团代表同框，一齐派彩蛋。陈健安还透露该MV与之前3首歌MV故事互相呼应。

MV集四代香港人气女团代表同框派彩蛋感大癫

安仔今年第四首派台作品《伊甸有歌》MV已于11月10日上架，邀请了Cookies成员杨爱谨（Miki）担任女主角，并与之前3首作品的MV女主角，《不迟不早》的Super Girls成员陈颖欣（Yanny）、《额头有字》Lolly Talk成员黄咏霖（阿蛋），以及《没有时间》HotCha成员张惠雅（Regen）同框演出，集合香港4个不同年代的人气女团成员，为MV拍摄彩蛋。

“今次真系好难得，呢件事真系好癫，我好开心！系㖞，我都系团队出身。可能系Oscar（MV导演兼填词人）好钟意团队，无论女团男团，佢都好钟意，系佢集合咗我哋唔同团队嘅成员。”Regen笑说：“见你成日猜包剪揼都输，当安慰吓你啦！”阿蛋要求安仔即场表演跳舞，他立即表演，有板有眼，众人掌声支持并赞他有潜质。安仔表示无以为报，请大家食饭答谢支持。

陈健安透露MV故事互相呼应

《伊甸有歌》是安仔今年音乐企划的压轴作品，与之前3首歌MV故事互相呼应，他说：“经历陨石坠落，我哋成功避开咗灾难，终于去到新伊甸园。呢个属于我嘅新伊甸园，冇任何标签，其中歌词 ‘自在大师所见略同而舞动’，所以今次会跳舞。”他问Miki几耐冇排舞？她说：“真系唔系讲笑，真系好惊，虽然最近我有跳舞，只系for fun，但系拍MV就要认真，所以好有压力，始终好耐冇郁过啦！我觉得好好玩，系一个challenge自己嘅机会。”

安仔说：“呢首歌系演唱会前好重要嘅歌，藉住轻快嘅歌曲和舞步，畀大家感受到我明年一月户外演唱会嘅气氛。今次MV仲有舞者跳芭蕾舞、Locking ，有小朋友、有大人、有男有女，无论你跳乜嘢舞种，都可以喺呢个地方一齐enjoy！”安仔强烈建议将4个MV一气呵成仔细欣赏，会发现很多细节早有舖排，他说：“4个MV互相有connection，都系后末日嘅状态，但从唔同嘅方向或者状态之下经历紧呢一件事。”Yanny说：“之前有一幕我用手机睇片，就系同你哋一齐嘅片。”还有一些旧相、摆设和饰物都有其他MV 故事的痕迹，而安仔在《伊甸有歌》MV跳舞时穿的彩色上衣，正是Miki跳舞时绑在腰的衣服。

陈健安韧带康复再开跳

“多谢排舞师Kenya，跳舞好好玩，舞步有啲难度，对于我同Miki嚟讲都唔容易。我练咗4日，终于完成咗，唔知大家觉得好唔好睇？自从单飞以来，今次系继《以青春之名》和《唔明你讲乜》之后，第三首我喺MV跳舞嘅歌，全部都系由Kanya排舞。其实我几钟意跳舞，如果大家觉得我跳得好睇，就会跳多啲。”前年安仔左膝前十字韧带完全断裂，经过治疗后已康复，会否担心跳舞伤旧患？他说：“因为我好担心只脚，始终受过伤，所以会做足热身。”他坦言拍摄MV前一天咳嗽和睡眠不足，所以好期待收工飞奔回家休息，他说：“今年所有嘅歌已录好、MV都完成晒，可以好好准备宣传专辑和准备明年一月演唱会。”