等足八年！Gin Lee李幸倪宣布2026年2月7日及8日，于红馆举行一连两场《READY FOR GIN LEE 李幸倪 LIVE IN CONCERT HONG KONG 2026》。

11月19日晚Gin为传奇Hip Hop组合BLACK EYED PEAS世界巡回演唱会香港站担任暖场嘉宾。Gin一出场即跳唱《Dum Dum》炒热全场气氛，紧接着的《Diff.》及《喘息空间》，继续令台上台下气氛炽热。一口气唱出三首快歌后，Gin即宣布明年2月于红馆举行演唱会，全场顿时欢呼声不绝。

相隔八年再开红馆show，Gin直言等到颈都长，“等咗好耐，期待咗好耐，终于等到个最好时间同大家红馆见面！”她指今次跟八年前大不同，除了开四面台，心态上亦转变不少，“第一次做红馆紧张到未识享受，今次成长咗、经验多咗，终于可以好好感受同分享音乐世界。”

至于演唱会主题“Ready For ”，原来有多重意思，“对我嚟讲呢一场concert系好ready嘅，因为期待咗好长时间，终于等到呢一个时间，所以我嘅心情系好ready，虽然都系会有啲紧张，但系觉得我有信心可以做好，同埋呢个亦都可能系好多fans嘅心声，一路等，听到大家嘅期盼，大家都好ready嚟睇Gin Lee嘅演唱会。”除了自己跟歌迷心境上的“Ready”，亦有更深层的意思，“对已知嘅嘢ready，对未知嘅嘢我都系带住‘OK，ready for？yes, I'm ready’嘅信心！”果然是进化版Gin！

演唱会海报，Gin以透明盔甲上阵，十分性感。讲到拍摄过程，Gin大笑：“套透明盔甲又重又硬，里面啲遮遮掩掩全靠造型师即场发挥，我觉得自己好赤裸，只系用小布遮住重要部位！”她又大爆同事反应，“班同事系咁尖叫，仲要系女同事，见到佢哋咁嘅反应都唔知点反应好呀！不过见到大家咁兴奋，都应该系成功啦，哈哈。”至于演唱会上会否比演唱会Poster更大胆，Gin大卖关子，“服饰会试唔同可能性，最紧要系靓。我而家都唔太知条底线喺边啦，全权交俾造型师。”

除此之外，最近Gin于《造星》节目表现活跃，网民纷纷改观大赞她“活泼有趣”，Gin开心到见牙唔见眼，“终于有机会俾大家认识多面向嘅我！其实我都有幽默感，只系平时工作展现唔到啫。”佢特别多谢剪接师：“要加个鸡髀俾剪接师，将我最可爱一面剪晒出嚟。”不过她亦温馨提示：“去到后面我都有严厉一面会出现㗎，大家要记住我系好温柔可爱嘅，OK？”