唱作歌手 Kiri T 终于推出首张个人专辑《a kiridiculous distance》，为隆重其事，她特意将专辑聆听派对搬到天星小轮上举行。在黄昏 Magic hour 的维港景色下，乐迷被歌曲感动得当场落泪，Kiri T更笑称当日是“大型emo现场”！

唱作歌手Kiri T 自2022年加入华纳唱片后曾推出多首脍炙人口如《伤心的时候别说话》、《蓝剔未必是坏习惯》及《至少做一件离谱的事》等等的大热歌曲，今年十二月终迎来她的全新专辑《a kiridiculous distance》，专辑不但收录两年来所推出的广东歌，更收录从未面世的广东、国语及英文歌曲，让乐迷们大饱耳福！为隆重其事，Kiri T更于天星小轮举行专辑聆听派对，邀请一同制作这张专辑的音乐人及乐迷一同登船，在黄昏时间一同于船上戴上耳机，静静地聆听整张专辑，同时欣赏日落Magic hour的氛围，投入每首歌曲的情绪，现场更有乐迷因被歌曲和船上景色感动而落泪，Kiri亦笑指当日是“大型emo现场”！

Kiri 过往的MV当中有不少也在交通工具上拍摄，因此她与团队构思这次专辑聆听派对时亦特意选在交通工具上举行，而现场亦有不少于各MV出现过的道具，包括《伤心的时候别说话》中的小鬼及《哀伤和爱上算不算同音字》中的小狗等，令乐迷惊喜万分，她分享说：“我今日啱啱喺天星小轮度搞咗我新专辑《a kiridiculous distance》listening party！好开心请咗好多有参与呢一个album嘅朋友、同事同fans嚟啦！我觉得好开心，我哋拍《伤心的时候别说话》MV嘅时候呢我哋就喺一个码头度拍嘅，咁所以其实今次我哋都租咗只船，系一个延续！咁我觉得系一个好窝心同埋真系一个full circle！所以我头先一路听《伤心的时候别说话》嘅时候，我个心系好感动同埋今日好开心就系有好多无论系呢几年先至认识嘅音乐人又好，定系以前嘅伙伴都好，都有嚟啦！咁所以我觉得所有嘢今日都好似一个full circle咁样，咁同埋例如今日船上面又有好多好得意嘅摆设啦！例如呢一个之前喺我嘅Show入面隆重登场嘅一个闪闪头盔啦！佢𠮶阵时系吊咗落嚟做一个mirror ball，今日佢亦都系隆重登场！同埋呢一个‘小鬼’啦，睇下佢几恐怖，哈哈！头先我问现场嘅朋友，佢哋全部都以为入面真系一个人，系会Jump Scare，但系冇㗎！哈哈！”

她亦有分享在船上和大家一起聆听这张专辑时的感受及与团队构思这个活动的想法，她说：“我今日同所有嚟咗嘅朋友同埋乐迷一齐听呢只碟嘅歌，我觉得望住个维港，望住个sunset，我觉得每一只歌都好感动呀，我会觉得最感动嘅系当我听到《通往另一个世界的出口》嘅时候，系因为我哋真系（系船上面）去紧一个地方，听紧嘅时候系都会喺度谂，会唔会我哋落船嘅时候就系一个乌托邦嘅世界呢？好浪漫啊呢件事！呢一个喺天星小轮举行大型emo现场咁样去听呢个新碟嘅Idea系我同公司嘅团队一齐谂出嚟嘅，其实本身我哋谂咗好多唔同嘅地方啦例如会唔会喺一个商场或者喺一个studio度听呢？咁但系最尾因为我好多唔同嘅MV其实都系喺交通工具度拍，咁我觉得最‘full circle’返嚟交通工具度做，其实我哋都谂咗好多，即系会唔会系巴士呀？定系叮叮呀？或者系飞机呀咁，最尾（我）觉得其实海同埋水系最浪漫，所以我哋就拣咗呢一个地方啦！同埋我觉得对住个海 （一边）听住啲浪声，一边听住啲歌我觉得对我嚟讲系会触发到好多回忆，我亦都好希望今日有嚟嘅朋友，落船嘅时候都会带走到一啲嘅反思同埋佢哋系船上面谂起嘅嘢。”

最后Kiri更有分享专辑细节及小心思铺排：“呢一只碟有14只歌啦，有演唱嘅（作品），间奏嘅（作品）都有，我会形容呢只碟嘅上半part系比较轻松啲、好chill嘅音乐去讲一啲sad嘅topic啊sad嘅stories，咁而下半part就系一啲比较raw嘅我自己，所以我会形容听呢只专辑嘅时候，逐首歌顺序听落去，就好似系搣洋葱咁样，搣到最后会喊嘅，但同时都都希望可以帮大家舒发到个情绪。”

Kiri全新个人专辑《a kiridiculous distance》Digital Album现已于各大音乐平台上架，实体专辑亦会于十二月于各大唱片店上架，敬请期待！