RubberBand联同耀荣文化于12月14日举行“RubberBand x 耀荣文化同在音乐会”，以音乐凝聚社会力量，支援受影响的家庭，传递守望相助与同舟共济的信念，为社区带来实际援助与心灵安慰。

是次音乐会将于西九文化区安盛竹翠公园举行，全场六千座位爆满，RubberBand用《回家》为音乐会打响头炮：“喺呢度见到大家系因为香港发生咗好唔开心嘅事。我哋一直都想做d嘢，咁所以写呢首歌回家，亦都得知到我哋嘅好伙伴耀荣文化想邀请我哋一齐做一个咁样嘅骚。我哋喺呢个城市好微不足道、好微小嘅，但系我觉得每一个人只要喺佢自己个岗位发挥最大，正所谓有钱出钱，有力出力。就将我哋嘅爱送出最大嘅能量，送去每一个人𠮶度。”

呢晚音乐会RubberBand唱出二十几首歌，观众以特别的心情入场，为受影响人士送上鼓励。呢晚气温急降，6号不时呼吁观众企起暖身，6号唱到跌暖包：“有咁多朋友喺度，都暖晒喇，唔需要暖包。昨晚又落雨又冻，今晚都冻但好天气，做善事个天系睇到！”整晚观众都好投入，6号话感觉到能量交换，唔单止来自台上，台上亦以满满的爱和能量回应，希望将这份能量转送给受影响市民，及后全场观众大合唱《阿波罗》，其间更讲到眼湿湿：“今次呢个骚好多人帮手，为呢次音乐会推咗啲工作过嚟帮手！我哋只系识做音乐，咁多年嚟我哋啲歌都系关于呢个城市嘅故事，里面有好多爱。今日我系要多谢大家，喺处于困难当中大家来到呢个公园，因为做呢个骚系好唔容易、经历咗好多。因为要用呢个速度做好一件事，系需要好多有心人。除左我地几个，其实台前落后佢哋都系一样，都因为今晚骚将工作改期，好希望可以送到一份温暖。”

12月14日晚所有门票均一售价港币$388 、开设 6,000个座位， 另设额外捐款让善长人翁随心支持 。今次音乐会门票不扣除任何成本与开支，收入将全数捐出， 善款总数为港币：$2,903,713。 善款将平均拨捐予五个单位：

大埔宏福苑援助基金
东华三院“大埔宏福苑事故爱心捐款”
殉职消防员家属
白恩逢之家（Bethune House Migrant Women’s Refuge Limited）
阿棍屋（House of Jay and Mercy）