《叱咤乐坛流行榜颁奖典礼2025》昨日（1日）圆满结束，全晚高潮莫过于由邓丽欣夺得“我最喜爱的女歌手”。邓丽欣、魏浚笙及林家谦齐齐现身后台接传媒受访时，魏浚笙及林家谦坚持要与邓丽欣一同接受访问，林家谦解释指：“因为大家都系‘颜值担当’啰！讲中重点喇。其实我就唔系嘅，佢哋两个系，所以我先想黐埋一齐，平衡返。”

Stephy：坚持唔放弃就一定去到目的地

Stephy 坦言夺奖一刻感觉非常不真实：“真系 23 年喇。我 23 年前仲系 Cookies 组合嘅时候，第一年入行攞新人奖。相隔咗咁耐，今日上到台𠮶种感觉真系好似一场梦咁。好似我头先喺台上讲咁，真系发自内心。”她亦在台下看到粉丝努力拉票，觉得不可以令大家失望：“无论如何，最紧要系坚持唔好放弃，就一定会去到你想去嘅目的地。”

平时是“搞笑担当”的Jeffrey不断搞气氛，笑指自己“由细睇 Stephy 啲电影海报大”，随即被Stephy反击：“哎呀，唔好再讲喇！”场面爆笑。而家谦就一如既往的低调，虽然被大家起哄要求庆祝，他还搞笑表示“不如揾人赞助叉烧”。

Stephy还爆料在台上之所以表现这样淡定，是因为一早“催眠”自己不准哭：“我一喊就唱唔到歌，我好想好好咁唱完呢首歌送畀大家。”最后问到点样答谢另一半，Stephy 甜笑表示仲未攞起过电话，会留返私下再答谢。