关智斌（Kenny）全新广东作品《My Little Tinker Bell》上架，这次新歌是送给一班对他不离不弃的fans及朋友，答谢他们一直以来的支持。不过提到拍MV，Kenny笑说是一个泪水与汗水交融的拍摄。

关智斌搭伙狗狗拍MV

MV找来Kenny“老友狗狗”Max及牠的一班兄弟姊妹一齐演出。一直有说小孩及动物是最难拍摄，Kenny坦言十分顺利，“完全冇大问题！我同Max合作开，之前有拍过好多广告，好friend㗎！佢train得好好，好乖、又识做戏、又有表情。”看似顺利，随后Kenny又补飞：“除咗佢哋间唔时会喺地下度……或 者拍拍吓走开咗屙尿，哈哈！”

关智斌做摄影师“人肉脚垫”

MV中有一幕是Kenny在做掌上压，Max就威风凛凛地站在他背上，Kenny先赞Max乖，接着又爆出一个“重量级”笑料。原来拍主观镜头（即狗仔视角）时，摄影师是站在Kenny身上拍摄，“大家睇落个画面好似好温馨，其实𠮶阵我系几辛苦，佢系企咗喺我上面仲要连埋部摄影机，真系好重。我谂如果有个side shot嘅画面都几好笑。”

MV最后讲到狗仔离开，Kenny亦有所感触，“拍摄嘅时候都有谂返起自己之前养狗嘅经历……都有啲心酸，亦都有啲触动嘅位。”他希望将这首歌送给所有有养宠物，或已经失去宠物的朋友，“呢一个别离其实都系开心，因为佢喺你人生入面陪伴咗你一段时间，令到你成长，学咗人生宝贵嘅一课。”

新歌《My Little Tinker Bell》概念亦甚有意思，将一直支持Kenny的fans及朋友比喻做“小天使”，是他们的魔法才令Kenny这个“彼得潘”可以继续在娱乐圈中飞来飞去，永远长不大。歌曲找来Ariel Lai及邝梓乔编曲，陈考威监制，旋律轻快入脑。填词人林若宁更加将Kenny的心底话写入歌词：“失恋一晚我抱紧你 得奖一晚我抱紧你 两老死 连我做魔鬼都包庇”，认真暖心。