方皓玟（小明）将于2026年3月21日（星期六）晚上8时正，假观塘海滨活动空间AQUABEAT 03，举行《方皓玟约你落观滨演唱会》，昨日（1/2）小明在演出场地举行记者会，并解释选择在观塘海滨举行音乐会，因为这是近期最流行场地︰“观滨香港系最潮，系型过开红馆，所以一定要嚟呢度开演唱会，同埋喺海边做骚系好有feel，香港有几多个咁正嘅场去演出，喺个咁feel同High爆嘅情况下，我就嚟洗涤呢个地方，同我会逐个地方去洗涤，大家要密切留意住。”

讲到《方皓玟约你落观滨演唱会》海报相当破格，小明除了性感兼大骚美腿外，还在厕所取景，小明就解释有其背后意思，“我玩个游戏时输咗，就要去影个屎塔，咁啱厕所喺观滨嘅标志性好大，因为喺观滨等就要喺厕所𠮶度集合，所以系有双重意义。”至于海报的性感打扮，小明就笑指都担心会被囝囝追问，但强调海报只属小儿科，若然有更大舞台会见到更大的东西。小明还跟台下粉丝互动说：“大家期唔期待见到啲更大嘅嘢？佢哋好开心，喺度阴阴笑，请放胆大声笑出嚟。”

小明谓今次为了配合观滨的派对感觉，歌单也会有所调整，“呢个系好high同开心嘅地方，个歌单一定要好有party感觉，所以都会唱啲以往冇乜唱嘅歌，令到大家enjoy成个感觉同环境，同埋大家可以饮住啤酒听歌，系放假好好嘅选择。”小明认为演唱会票价$980坐位及$580企位是超抵。“$580企位系有啤酒饮，虽然$980坐位系冇嘢饮，但系赚咗可以近距离睇，听到我声线同互动就系赚咗。”之后小明即场演绎由冯颖琪作曲作词的新歌《我想过一个怎样的人生》及经典歌《你是你本身的传奇》，最后主辧方本地舞台的伍健雄（雄哥哥）向小明送上海报的大相，小明开心表示恨收这礼物，又搞笑话：“我见佢摆喺公司已经想要一幅，但系放喺屋企，我惊个仔见到会唔知会问啲咩，佢可能会话‘妈妈我想饮啲嘢’。”