COLLAR成员邱彦筒（Marf）将于3月22日举行出道以来首个个人演唱会“Nights like this” Live 2026，既忙于为演唱会排练外，亦忙于筹备新歌，昨日她推出年度第一首作品《木木木》，歌曲以木头人为题，讲述跟“木头人”恋爱的故事，而今次新歌最大特点，莫过于Marf首次参与作曲及填词部分，实行声色字俱备。

高度参与 多重挑战

今次Marf在《木木木》中参与度极高，不仅与滴烫Diiton作曲，当中的英文歌词亦是由Marf亲自填写，至于中文歌词就由王乐仪负责。难怪集曲词唱于一身的Marf，表示很大挑战：“今次歌曲最大特点系我有份参与作曲同英文填词，第一次Official填词，最大挑战系一次过负责晒咁多嘢，已经听呢首歌听咗好多Version，好难以第三者角度去听，需要其他人嘅耳仔帮手，为呢首歌畀意见。”

问到为何有《木木木》的构思？Marf表示：“今次首歌主题就系木头人Wooden Boy，创作呢首歌，基于坊间成日都话啲男仔好似成碌木咁，所以就令我幻想到，如果同‘一碌木’谈恋爱，呢个恋爱故事又会系点呢？”

下月开骚 满足私心

即将下月开骚的Marf，透露已准备得如火如荼：“已经安排晒每日嘅schedule，每一日会排咩歌、有咩Dancers会出现，而演唱会所有服装都倾得得七七八八。”对于今次个唱会加插Musical元素，Marf直言构思是源自她十分钟意Musical：“我觉得人生如果系一个Musical嘅话都会好正，所以我都好想趁呢个机会私心加一part，虽然呢part对于我嚟讲系一个几大嘅考验，不过我真系好钟意，希望会做得最好 。”

至于农历新年，Marf不讳言会在排练中度过：“新年总有啲时间留返比屋企人嘅，但主要排练中度过，都唔紧要啦，因为可以有一班伙伴同dancers 陪伴，所以都OK！”今日（5日）亦是演唱会开售日子，主办宣布门票已火速售罄！