Gin Lee李幸倪一连两场的《READY FOR GIN LEE LIVE IN CONCERT HONG KONG 2026》演唱会昨晚（8日）尾场，更是她人生第一个四面台演出。演唱会在8点25分开场，身穿超Deep V黑金战衣的她大叫：“红馆，are you ready？全部人企起身！”后，便以《Iconic》等三首快歌又唱又跳打头阵。

痛恨被指“你得嘅”感没同理心：我搞得掂唔代表我冇Suffer

演唱会以“五行”为主题，头部份以“金”揭开序幕，之后便是一系列慢歌的“水”，再来澎湃热舞的“火”，Gin Lee身穿一袭火红色的服装，整套加起来有40磅！她又与两位男舞蹈员跳舞，看得出下了不少苦功！完成这部份后，萤幕播出Gin Lee一段清谈片段，她讲完一大堆喜恶后表示自己常常被觉得“你得嘅！”，但她其实很怕听到这三个字：“我觉得好冇同理心，同埋好似好轻描淡写，但系背后，我要做嘅嘢系大家唔知道。要搞得掂都会搞得掂，但系唔代表我唔Suffer，我永远都系匿埋做好晒所有功课，出嚟就系OK。我做到嘅，我都唔知点样，我都好想得到大家嘅支持，但系我又觉得我需要做一个好称职嘅歌手我先至值得大家嘅支持，但系偏偏就系我呢种好ready嘅状态令到大家觉得，得㗎喇，唔使特别支持佢㗎啦，咁我要点？”Gin Lee续指一出道做新人以为做歌手只是要唱歌，但出到来先发现唱歌以外，还有很多不能预备的事要兼顾，例如要派对、饮酒、跟陌生人倾偈，一度使她感到吃力，“返到屋企系难受，我系谂what am i doing here? 我当系一个技能，甚至买过一本书系教人点样同陌生人start a conversation，尝试揾有趣嘅位，我成日都同啲人讲‘你试咗先，你唔钟意之后再谂，可能你试咗会钟意呢？’”

剖白女艺人之苦　自爆曾瘦到坐唔到凳：屁股得两旧骨

她认为做歌手，很难，要十八般武艺；然而，做女歌手更难：“追星嘅通常都系女性多，因为女性追星理所当然，男仔追星，哗，咁变态㗎你？唔使养家咩？”Gin Lee曾收到追随自己多年的fans私讯，指自己拍拖了，女朋友不喜欢自己追星，日后会减少出现在Gin Lee的活动，她也只能祝这位歌迷甜甜蜜蜜：“讲到市场，女artist真系冇咁着数，女artist都系好瘦，underweight㗎喺香港，我系好耐好耐都唔可以捐血，以前成日病，最瘦系瘦过而家差唔多7公斤！最瘦嘅时候，我坐唔到凳，一坐pat pat就会痛，因为直接‘哽’到pat pat两旧骨，我唔想做人做到咁样，我会少咗生活好多嘅完美，我好想攞到个平衡，我而家又唔肥，系咪先？我只不过比一个纸皮人系肥咗啲啫，我有时都会见到啲留言话你瘦多10磅就靓啦，多谢，但系我好开心做自己，我好健康。”

拒绝卖惨　自爆曾因爱猫离世不想做人

然后她唱出《新牌仔》、《单恋这件小事》、《和每天讲再见》等歌曲，并在台上除鞋，笑言：“好多人话我唔贴地，我而家就除鞋俾你哋睇！”后脱下鞋子唱出《无愧于当初的我》，然后大会又播出一段她剖白内心脆弱的片段，Gin Lee坦言很介意大家见到她脆弱的一面，但确实自己很少在社交平台跟人说：“我好惨呀我！你睇吓我几惨！”她指若能够给自己力量的话，会先靠自己去稳定自己，又表示：“点解咁多artist最终会有好多唔同嘅情绪病，唔同嘅健康问题，因为我哋take in太多唔同嘅舆论压力！好多！你系Exposed To所有嘅爱同埋伤害，at the same time，我必须有一个转化嘅能力，如果唔系我好难一路行落去。我曾经试过猫猫走咗，我系脆弱到我唔想做人，我去到一个极端，因为我情绪各样嘢嘅状态去到好低……”

经历低潮　悟出“人与人的共通语言是失去”

镜头以外有人问她：“有冇一个画面系猫猫？”Gin Lee随即忍不住眼泪，并说：“估唔到咁多年，一讲起都系会咁，都过咗五年几，其实都系经历咗𠮶段咁嘅失去，去到谷底，我先慢慢放开自己嘅心，同人connect多啲，我觉得我慢慢打开到。以前我会觉得，最私密嘅嘢，或者最sensitive， personal嘅嘢太脆弱，我真系要收埋啲，如果唔系好容易受伤害，经历过最低嘅时候，我发现原来人与人之间嘅共通语言系失去，因为失去系必经，每个人都要经历大大细细唔同嘅失去，就算唔系生离死别都好，你分手都系失去。失去青春、失去健康、失去亲人、失去工作，我明白到一样嘢就系，每个人都要经历呢样嘢，好啦，咁我就喺我嘅音乐里面，喺我嘅故事里面，同大家一齐connect啦。”她非常愿意也荣幸能透过音乐跟大家连结，且自觉幸福，又指人愈大愈珍惜平静的时刻，因为十分奢侈，也能好好地跟自己相处，于四周的人、事、物、地连结。

与徒弟炎明熹合唱：两个都系唔钟意比赛嘅人

接著去到“土”的部份，Gin Lee以一袭蓝色晚装唱出一系列歌曲，包括《月球下的人》、《白夜行》等，接著的Encore部份，她先以黑色Tube Top配长裤跳唱《Dum Dum》，将气氛推上高峰！紧接著轮到嘉宾出场，前一晚她请了《全民造星VI》B3组学员，尾场就轮到《声梦传奇》的徒弟炎明熹。Gin Lee指见到她有新开始，又愈来愈靓，很替她开心，又表示：“两个都唔系钟意比赛嘅人，但系我哋两个嘅缘份都系要喺比赛里面经历一啲嘢。”之后Gigi说：“我非常之唔钟意比赛，大家知唔知点解？因为我系一个⋯⋯好hea嘅人，但比赛对我嚟讲系好事，好矛盾，因为比赛可以推住我进步，所以就……我会尽力做好每件事。”不过Gin Lee就指她似乎误解了什么，大赞她勤力：“你一啲都唔hea㖞！”Gigi搞笑说：“因为比赛冇得hea！所以就遇到你啰！”Gin Lee直言艺术明明很难用分数比拼，但确实比赛能极速令一个人成长，练到抗压力，之后师徒二人合唱《一加一》，全场尖叫；然后炎明熹就再Solo新歌《风旅》。

Gin Lee上台唱完《一早知道的情歌》、《虚荣》以及观众举牌表示“唔唱唔返屋企”的《幸福门》后，就以一首《企好》作结，不过由于歌迷太热情，Gin Lee换上卫衣再度上台，带来《今天终于一人回家》以及《双双》，演唱会便圆满落幕。