关智斌（Kenny）日前于澳门百老汇举行《关智斌演唱会2026 The Endless Adventure Live in Macau》。演唱会上，Kenny除了大展身手玩Flying Pole，还多次与歌迷真情对话，更宣布正式成立官方粉丝后援会，惊喜一浪接一浪。

演唱会一开始，大荧幕便播出去年Kenny于启德举行演唱会的尾声片段，当时完show后观众不停大叫Encore不肯离场，Kenny最后再次上台，但由于场地时间所限，只能唱出两句《眼红馆》。因此今次澳门show的Opening，Kenny特意选了《眼红馆》作为开场曲，唱完后他说：“我呢一首嘅《眼红馆》，系特别今日拣嚟开场嘅时候唱，上次演唱会因为时间关系，令到我喺2025年留下咗遗憾，唱唔到呢只歌，所以我觉得2026年我第一时间一定要唱返呢只《眼红馆》俾大家听，希望你哋会钟意。”全场即时报以热烈掌声，歌迷都十分受落Kenny这份新年礼物。

完成Flying Pole环节后，歌迷欢呼声不断，Kenny大谈感受，“其实我每次练呢支Pole嘅时候，都几孤独㗎，因为每次就算转到晕或者升到好高、或者周身损晒，其实系冇人帮到你，冇人救到你，或者转到我想停呀，你一定系要靠自己去停。”Kenny透露筹备这个演唱会时，脑海早已出现这个画面，因为觉得Flying Pole很能表现那种无力感和失重感觉。去年启德show因场地关系无法做到，今次终于可以完整呈现。他还感性说道：“所以我发现无论呢个世界几黑暗都好，只要一擡头始终会有一啲好微弱、好温暖嘅光去守护住你哋。”

这次澳门站嘉宾，Kenny邀请了同门师妹女团VIVA，又合唱《相对湿度》，其后VIVA solo表演《FOMO》。谈到邀请VIVA及合作过程中的感触，Kenny坦言：“喺排舞室佢哋话原来系第一次做演唱会嘉宾，我突然间觉得，‘咦？原来我以前觉得咁take it for granted嘅嘢，原来唔系咁。’因为以前我哋细个，成日跟住啲师兄师姐去好多唔同嘅舞台做佢哋演唱会嘉宾，佢哋俾呢个机会我，我今日先可以有机会有一个属于自己嘅舞台喺度，所以我同自己讲如果当我有一日有自己嘅舞台，我会将呢个机会承传落去。因为喺排舞嘅时候我真系见到佢哋有好大嘅热诚，好专业。”

至于VIVA谈到与Kenny的合作，Macy分享演出时的心情，“我头先有一个高音位，个动作系要挨向Kenny𠮶度，其实我系好惊走音，因为我心跳加速，惊控制唔到自己。”Ada立即“投诉”，“今日彩排嘅时候佢仲问Kenny可唔可以俾佢挨多次，我问点解你可以咁过分，因为我𠮶part系冇同Kenny有任何嘅接触，所以我真系好唔抵呀今次，哈哈。”引来全场大笑。

到了Encore环节，Kenny于观众席惊喜现身，歌迷即时疯狂向他派发利是，场面热闹又搞笑。随后第二次Encore唱《死性不改》时，Kenny发挥搞笑本色，“新年流流，唔好咩性不改，叫《靓性不改》啦，大家今年继续靓呀。”全场再次欢呼兼爆笑，为澳门站画上完美句号。