邱彦筒Marf演唱会化身Avril唱快歌　与Locker整蛊KB狂洒爽身粉

撰文： 邓颖琪
出版：更新：

邱彦筒（Marf）的首个个人演唱会《麦花臣节 x Marf Yau “Nights like this” Live 2026》昨晚（22日）举行，COLLAR队友、师弟ZPOT等全员撑场！今次演唱会Marf坐在观众席中开场，令粉丝非常惊喜，其中一部份她在布幕后唱歌，突然穿过布幕，布于瞬间成为其身上衣服，令人惊喜。而事前Marf已指明以灰、银色为今次Dress code，不少粉丝皆精心打扮，最终Marf邀请其中几位上台予观众投票，并选出两位冠军、两位亚军，更能得到Marf亲手制作的礼物。

邱彦筒（Marf）的首个个人演唱会《麦花臣节 x Marf Yau “Nights like this” Live 2026》昨晚（22日）举行。（邓颖琪摄）
今次演唱会Marf坐在观众席中开场，令粉丝非常惊喜。（Instagram：makerville_official）
其中一部份她在布幕后唱歌，突然穿过布幕，布于瞬间成为其身上衣服，令人惊喜。（Instagram：makerville_official）
COLLAR全员撑场！
COLLAR一样以指定Dress code现身，Marf大赞队友化妆技术愈来愈进步，特别点名Candy（左二）：“佢自己用锡纸包咗个𠮶啲小朋友生日会𠮶啲眼罩，我都一早已经估到大家会逼佢上台，但系我就同自己讲，我一定唔会逼佢㗎，因为我觉得佢会尴尬，所以就唔好啦。”
师弟ZPOT全员撑场。（邓颖琪摄）
而事前Marf已指明以灰、银色为今次Dress code，不少粉丝皆精心打扮。（邓颖琪摄）
最终Marf邀请其中几位上台予观众投票，并选出两位冠军、两位亚军，更能得到Marf亲手制作的礼物。（邓颖琪摄）
讲到演唱会设“最佳服装”，Marf直言是参考女团XG，自己都希望训练到Fans悉心打扮去睇骚，带著去Party的心情来参与这次演唱会。（邓颖琪摄）

自评75分满意无悔　最爱Musical环节大胆实验

演场会中段，Marf翻唱了张敬轩的《笑忘书》，以及方大同的《才二十三》，用来纪录此刻23岁的自己。其后就有几首跳唱快歌，除了《fOoL##》外，更惊喜的是她走到小舞台，cover容祖儿的《心花怒放》以及Avril Lavigne的《Girlfriend》，与观众互动合唱，全场High爆！完骚后Marf接受访问，自评今次表现有75分，不过心情就100分，她期待下次去更大的舞台，也提醒自己必需要满意每一part的表演：“我个Poster设计，签名都已经写咗No Regrets，因为我希望今晚唔可以有Regrets，因为只系得一晚。所以，我觉得自己嘅分数系75分，但我都希望今日嘅所有嘢都系一个过程，无论我几不安或者好惊下一句点样唱嘅时候，𠮶下都系我同自己相处，所以我觉得自己都做得唔错。”而在整个演唱会中，她最喜爱的是Part 3 Musical部份，唱了《*~Silencio...Shh》、《To’pA’ti》、《Live it up》及《Defying Gravity》，这部份是她私心想要实现的，最终也玩得很High：“我觉得可能真系一个再正式啲嘅，或者一个再大型啲嘅演唱会，我就未必可以咁任性唱呢一类嘅歌，希望都可以，但系我今次就算系实验品咁样试咗。”

演场会中段，Marf翻唱了张敬轩的《笑忘书》，以及方大同的《才二十三》，用来纪录此刻23岁的自己。（邓颖琪摄）
在整个演唱会中，她最喜爱的是Part 3 Musical部份，唱了《*~Silencio...Shh》、《To’pA’ti》、《Live it up》及《Defying Gravity》：“一个再正式啲嘅，或者一个再大型啲嘅演唱会，我就未必可以咁任性唱呢一类嘅歌”（Instagram：makerville_official）

翻唱轩公方大同金曲　化身Avril Lavigne圆摇滚梦

讲到翻唱张敬轩及方大同歌曲，她希望大家对歌曲有熟悉的感觉，但亦有重新改编成自己版本：“即系呢个23岁嘅女仔，去咁样去演绎，希望轩公（张敬轩）会钟意呢个Version啰，希望有一日会听到佢唱呢个Version啰！哗，好大，许愿，好惊，但系我都有同佢讲，我有话我都会唱呢首歌㗎。（问：佢点样reply你？）佢太忙，未去回我，希望佢返嚟睇到啲片，唔会觉得我做得太差啦。”至于翻唱容祖儿和Avril Lavigne的歌，她形容是从小到大都梦寐以求：“一个叛逆嘅状态啦，Rock and Roll！同埋难得有咁咁把炮嘅Band，咁我就同佢哋讲，我今次想试下做Avril Lavigne！我想试下做Band Sound，我一直都好钟意Band Sound，跟住之后就拣埋《心花怒放》喇，我知道大家一定会识唱，呢首歌俾我𠮶个好欢乐嘅气氛，总之就好享受嘅感觉，我好想都传达到畀台下嘅人。”

Marf邀观众合唱《Girlfriend》，她形容是从小到大都梦寐以求：“一个叛逆嘅状态啦，Rock and Roll！同埋难得有咁咁把炮嘅Band，咁我就同佢哋讲，我今次想试下做Avril Lavigne！我想试下做Band Sound！”（邓颖琪摄）
Marf解释唱《心花怒放》原因：“我知道大家一定会识唱，呢首歌俾我𠮶个好欢乐嘅气氛，总之就好享受嘅感觉，我好想都传达到畀台下嘅人。”（邓颖琪摄）
Marf与音乐总监Mike Orange等玩得好high！（邓颖琪摄）

首唱全新曲试水温　伙拍Teller度词盼储经验开Part 2

演唱会尾声，Marf演绎了一首全新风格的歌曲《Run Run Rock》，她形容是试水温，暂时还未知何时推出，又透露这首歌与《全民造星VI》冠军王伟俊Teller合作：“佢有份帮我去制作，咁我就同佢讲，喂你帮帮手呀，我哋不如一齐夹啲嘢呀。佢就好好、好细心，同埋好听我嘅意见，咁样就一齐慢慢度咗啲歌词出嚟。（问：Rap词系你写定佢写？）我哋一齐写啰，不过主要系佢写。”被问是否已有计划开Part 2，Marf觉得要再储多些歌，希望到时有新尝试，不论是否香港，或大小场地都想试，要再储舞台经验，她又说：“所以我会继续explore下自己嘅声音啦，同埋今次我嘅唱歌老师都帮咗我好多！”

演唱会尾声，Marf演绎了一首全新风格的歌曲《Run Run Rock》，她形容是试水温，暂时还未知何时推出，又透露这首歌与《全民造星VI》冠军王伟俊Teller合作。
被问是否已有计划开Part 2，Marf觉得要再储多些歌，希望到时有新尝试，不论是否香港，或大小场地都想试，要再储舞台经验，她又说：“所以我会继续explore下自己嘅声音啦，同埋今次我嘅唱歌老师都帮咗我好多！”（邓颖琪摄）

伙男友Locker整蛊KB　为COLLAR报仇狂洒爽身粉

演唱会完场后，Marf播了一段片，是她与男友林家熙Locker夹计整蛊KevinBoy（KB）。由于他喜欢滑雪时见到“Powder”雪，但今年因为做Marf演唱会无法去日本见证Powder，Marf决定让他在香港感受Powder，在其生日时将他整架车铺满爽身粉，令曾经整蛊初出道COLLAR的KB也被“玩爆佢个肾”，KB在车窗“雪”痕中以手指划上“FUXK YOU MARF！”，全场大笑！问到是否要为当年报复，Marf笑说：“佢成日都整蛊人，系呀，我系帮紧好多人嘅其实。”不过现时她就有点担心对方反报复，但相信这样互相作弄也是爱的一种，她又透露KB已即日去洗车，自己都会请他食饭补镬。

Marf与男友林家熙Locker夹计整蛊KevinBoy（KB），在其生日时将他整架车铺满爽身粉，令曾经整蛊初出道COLLAR的KB也被“玩爆佢个肾”，KB在车窗“雪”痕中以手指划上“FUXK YOU MARF！”，全场大笑！（邓颖琪摄）

队长Gao拔刀相助操刀剪片　豪言包底请去越南报答

今次演唱会上的过场片段，都由COLLAR队长沈贞巧（Gao）帮手剪片，Marf直言：“我拍咗啲BTS，𠮶阵时我就问阿Wing，佢就话‘咁你想边个剪呀？你唔系自己剪呀嘛？’我本身真系谂住自己剪嘅，谂谂下就‘唉，算啦，都系唔好搞咁多嘢。’我都好庆幸我最尾系无自己剪嘅，如果唔系，我应该承受唔到，我应该真系喊呀最尾！所以我就问阿Gao，佢话梗系得啦！”她认为现时出街的便是最好的版本，之后会上传到IG，至于如何报答Gao的付出，Marf豪言：“咁就梗系要再去越南啦！（问：系咪你请先？）都可以㗎，但系中间𠮶啲，佢要自己畀返啰。或者机票，酒店佢自己畀，反而后面𠮶啲我包晒咁样。”

今次演唱会上的过场片段，都由COLLAR队长沈贞巧（Gao）帮手剪片，至于如何报答Gao的付出，Marf豪言：“咁就梗系要再去越南啦！（问：系咪你请先？）都可以㗎，但系中间𠮶啲，佢要自己畀返啰。或者机票，酒店佢自己畀，反而后面𠮶啲我包晒咁样。”（Instagram：gagarieo）

.

演唱会
本地乐坛焦点
Marf邱彦筒