农夫（Fama）出道26年，继16年前首度登上红馆舞台后，今年再次回归，宣布举办一场《全香港最好笑嘅演唱会》。5月8日门票3月25日正式公开发售，反应极度热烈，一小时内即全数爆满，农夫随即开心宣布加开5月9日一场，誓要以笑声席卷红馆。

农夫笑谈演唱会加场

对于门票火速售罄，C君（郑诗君）笑言今次演唱会的口号与主旨正是“今日唔知听日事，笑得一次得一次”，非常感恩乐迷的热情支持。16年前我哋只系开一场，今次可以加多一场，进步咗100%！一倍！希望到时大家人人场场时时刻刻都开开心心！”

陆永（陆永权）则认为票价“抵睇”是今次加场的关键。他笑说：“我觉得最开心系观众，好多朋友都同我讲，好期待呀，咁平嘅！哈哈。我估加场原因，系今次票价令大家好开心，价目相宜。”他更打趣道：“票价令大家开心，令我哋唔开心，系冇问题，呢个骚绝对系为大家而做嘅！哈哈。”

农夫希望乐迷“考古”演唱会

随著加场消息公布，C君透露要开始“练啲嘢”备战。他表示除了正密锣紧鼓构思能令大家开心的互动环节外，亦希望大家能以“考古、悼念”农夫的心态入场观赏，“大家带住一种考古悼念嘅心态嚟睇，都已经好笑㗎啦。”他更提到派台的新歌《欢迎玩谢我》，正是为演唱会度身订造的主题曲，“大家去听下啦，就知个骚其实中间我哋都会除咗玩，亦有啲‘行嘢’嘅。”

重提16年前首次红馆个唱，C君感触道：“啲人成日问，16年后再去红馆，今年系咪好大意义？其实有几多人记得我哋16年前去过红馆呢？哈哈哈.....意义来来去去都系𠮶句，很多人需要开心，我哋好想俾大家一晚快乐，可能你入到嚟唔觉得好笑，但至少你可能忘忧，唔洗𠝹櫈三个钟。”他更借用歌名笑说：“大家夹钱玩得谢我两个，已经够开心啦。”

陆永扬言希望入场观众能突破平日睇演唱会的体验，被问到会否为演唱会操肌，陆永妙语回话：“本身有咪练多啲。我哋本身唔系呢科，冇理由开呢饭㗎？”C君则幽默补刀：“练紧㗎啦，练个肾，肾肌，呢样好呀，够健康。”陆永笑称自己届时会表演“肾功能”，“不会不停去厕所”，又卖关子表示无论练出甚么成果，定必在演唱会上呈现。

至于嘉宾阵容，农夫坦言知道现今社会观众对嘉宾的期待有时甚至超越演出者本人，但他强调今次演出嘉宾别具心思：“今次呢个骚，真系请得最多朋友会嚟，上唔上台，到时话你知。成件事我哋希望系，每个嘉宾你会 feel 到到场系有原因嘅，佢哋系 part of 表演者多过嘉宾。”