《张继聪WHAT’S NEXT LIVE 2026》于昨晚（9/4）假旺角麦花臣举行，以纪念自己入行逾20年。圈中好友王菀之、白只、蔡卓妍都有到来支持，还有老板古天乐、偶像杜德伟，以及太太谢安琪与囡囡。而在演唱会Encore完毕后，张继聪突然再次上台，但今次不止一个人，而是跟农夫三人站在台上，舞台后面更写上“LOUIS X FAMA STAY TUNE ”，正当大家以为三位会合唱一曲时，全场灯光一暗，三位突然消失并宣布正式完场。事后张继聪在后台访问时，就稍稍透露少少计划进程。

张继聪演唱会吕爵安惊喜合唱　劲舞11分钟炸爆舞台

张继聪︰“我喺呢个组合系细佬，要听两个哥哥话”

关于农夫突然上台，张继聪表示︰“嚟紧三个人会有个新组合，会有好多作品推出，呢个只系第一步，今日只能够讲住咁多先，大家密切留意我哋下一步。”记者随即要求阿聪再披露更多，他只能说︰“我喺呢个组合系细佬，系三弟，要听两个哥哥话，佢哋话今日唔好讲，只系三个人上台。”

讲到个唱中跳足11分钟的劲歌热舞，阿聪表示有问过家中的排舞老师意见，即是囡囡。“我记得初初排练时未协调到，畀囡囡睇完有畀意见︰‘爸爸你呢度放松啲会好啲，但已经好叻喇！’从呢一句就知我喺佢心目中系咩水平，不过都开心，开心在个女跳舞真系跳得好，同埋都系乖小朋友，冇落爸爸面。”到后期经过不断练习后，都有赞爸爸跳得几好睇。

囝囝“屈蛇”制造惊喜　台下见太太即失守哽咽

个唱中努力营造惊喜，但实情张继聪就被台下的大仔惊喜到。事关大仔本应是在澳大利亚读书，但因为家中爱犬离世，于是专诚买张机票让他回来见最后一面。“原本话寻晚走，仲拍晒片讲拜拜，点知头先喺台下见到佢，原来佢一直冇走到，前一晚仲匿在爷爷房瞓，等今晚畀个惊喜我。”而向来较少触动泪腺的阿聪，在唱《日薄西山》时，便突然哽咽唱不下去，“彩排时都冇嘢，系唱到中段见到老婆，突然有少少触动，大家都经历咗好多嘢，我本身好少在台上抽搐，要立即要调整一下，想唱番好啲。”