Gordon Flanders一连两场《New Classics Live 2026》演唱会日前于麦花臣圆满落幕。演唱会门票一开卖即被抢购一空，现场更吸引大批圈中好友到场力撑，包括Dear Jane、洪嘉豪、moon tang、COSTANCE康堤、Nancy Kwai、Kiri T、 康聪@Zpecial、炜贤@Zpecial、肥仔@Error及Dark黄明德等，场面热闹。

Gordon演唱会翻唱《Rosy》打头阵

Gordon以一身西装配上超大红色领呔登场，以翻唱方大同歌曲《Rosy》打头阵令乐迷惊喜万分，Gordon更走到观众席与乐迷近距离以木结他自弹自唱为moon tang作曲的《夜阑人静》，而演唱其新歌《可以不可以》时MC张天赋更惊喜现身，Gordon亦有分享自己当初于尖沙咀busking 时已认识MC，其实比认识洪嘉豪更早，MC 亦于台上公开追歌债叫Gordon找数，怎料Gordon突然分享其实二人都“有条数未找”，原来二人曾经为《花海》而排过舞，可惜最后不了了之，MC更说：“（找唔找数）梗系唔系由你决定㗎嘛，梗系由你班fans决定啦！”立即引来全场尖叫。及后Gordon表示很感激MC当初选择《花海》，MC亦很感谢Gordon为他写了这首歌，MC更“打蛇随棍上”：“你写多啲歌比我啦！”更叫现场乐迷比压力Gordon”找数”！

Gordon直言演唱会后如释重负

Show后Gordon直言有如释重负的感觉：“因为未试过连开两场啦，同埋对上一次开show都只不过系我嘅第一次，今次就系第二次，我觉得完全系一个新开始同埋新尝试亦都系新挑战，今次演唱会Run Down就用一个pairing嘅方式，一首喺我自己新专辑入面嘅歌之后再pairing十首我觉得经典、想去致敬嘅歌或者系一啲影响我好深嘅歌，开场头两首歌我用咗方大同嘅《Rosy》咁我觉得呢首歌嘅vibe同我嘅新碟入面第一首歌《摇曳》个vibe都好似，咁所以我就将佢两首摆埋一齐做一个pairing。

Gordon与MC张天赋合唱《可以不可以》

他亦有分享说今次邀请MC任演唱会嘉宾是希望为观众带来新鲜感，亦希望可以于演唱会上首唱他们的新歌《可以不可以》送给现场观众，对于这次演唱会对自己的评分及Show后可有同公司请假休息，他说：“如果100分满分第一场我会畀65（分）啦，我觉得好嘅部份就系我啲乐器玩得几好嘅第一场，今日就70（分）啦！因为演唱会最重要都系“唱”吖呀嘛，哈哈！我觉得今日唱得好过寻日，我唔会对自己太harsh，但系我觉得可以继续努力！完show之后有个假期嘅但系好短，放三四日就会返嚟香港，因为赶住其他嘅演出同埋我想快啲做新碟嘅歌比大家听，大家家等我出新歌呀！”