周国贤推出新歌《未完 待续》 自爆创作爱挑战难度“玩死自己”
撰文： 种嘤嘤
出版：更新：
周国贤（Endy）5月8日推出新歌《未完 待续》，整首歌的曲、词、编全部由Endy一手包办，绝对落足心机。
周国贤（Endy）5月8日推出新歌《未完 待续》。（公关提供）
周国贤透露新歌创作灵感来源好友
Endy透露，今次创作灵感源自他亲眼目睹好友的一段感情事，“佢哋明明好爱对方，但又好似成日互相伤害，最后分开咗，两个人其实都放唔低。”他发现，原来一些很珍惜的东西，表面看似“完结”，但只要你够相信，这件事便可以一直存放心中、于梦里重演，故事永远“未完”，“成日有人话要‘放下’，亲人或者好友离开咗，就劝人唔好成日谂起。但其实只要一直有人挂住佢哋，佢哋就好似一直存在喺我哋生活入面，放低未必系我想要嘅，‘待续’先系。”
周国贤透露新歌创作灵感来源好友。（公关提供）
周国贤自认新歌“玩死自己”
至于创作过程，Endy笑言自己多年来都有个习惯，就是“写歌玩死自己”，“难嘅位唔系作曲填词编曲呢几件事本身，而系有时对得首歌太近，反而睇唔到边啲好、边啲唔好。我哋Comment人哋啲嘢容易好多，但自己做有时就睇唔到。”他续说：“今次呢首个Tempo一时快一时慢，去Chorus前又整段结他Solo俾自己，总之好似永远都唔可以正正经经写首简单啲嘅歌咁，好钟意玩死自己呀！哈哈。”
周国贤自认新歌“玩死自己” 。（公关提供）
周国贤坦言拍摄过程艰难
提到MV，Endy坦言拍摄过程辛苦，“要天光前开机，捕捉𠮶个准备天光嘅蓝色，跟住潮涨半个身湿晒，然后再吹多一个钟海风继续拍，下昼就暴晒！好耐冇拍一个咁甘嘅MV啦。”不过他十分满足，MV成品效果犹如去到外地拍摄，“个景好靓！”
周国贤坦言拍摄过程艰难。（公关提供）
周国贤分享拍摄趣事
拍摄期间都有温馨小插曲，Endy话指他们于山顶拍摄时遇到两只流浪狗，见到有位女士背着一个大背囊上山，原来她每天都会行上山顶喂饲两只狗，看着牠们吃完便走，而这两只狗每日都会等她。Endy觉得这件事十分浪漫，“不说出口的约定，真系好似《小王子》咁讲，‘假如你驯养我，我们就彼此需要’。”
周国贤分享拍摄趣事。（公关提供）