罗启豪（Ramon）近日忙于筹备六月偕谭辉智合作的红馆《双声演唱会》，仍不忘在社交平台分享新搞作“罗启豪音乐小剧场之《歌单中的密码》”，Ramon说：“最近有音乐串流平台邀请我主持一个钟头嘅音乐节目，可以拣自己钟意嘅歌、同听众倾吓偈，一收到呢个邀请就好开心，我真系有好多 sidetrack 或者沧海遗珠想同大家分享。”Ramon灵机一触，想到将所选的14首歌串连成一个故事，并以剧场版呈现网上最热门剧情“撞跌对方耳机”去开展的爱情故事 ，可惜基于技术问题，直播时听众听不清楚部分独白，Ramon决定动手将整个小剧场重新录制一次，并放在社交平台分享。

团队加AI帮手创作

Ramon表示，完成后好有满足感，首先今次与团队一起创作独白，亦有运用AI帮助，启豪坦言：“自己中文真系唔叻，而家入咗行真系要进步得快啲，AI帮自己创作之余，亦有帮自己改善中文。”小剧场当中有好多精警或者感动嘅句子，问到是否自身经历，Ramon说：“都有啲㗎，亦有啲系观察身边人嘅故事。”独白包含迷惘、深情、激动、失而复得等各种情绪演绎，启豪解释：“其实自己都好有兴趣演戏，但暂时未有机会，正好借住呢个音乐小剧场过吓戏瘾，希望可以不定时咁做落去，当成系试镜等导演监制睇吓我有冇演戏潜质！”Ramon外表斯文，心底里却渴望尝试不同片种，甚至杀手、奸角等等反差极大的角色，他笑言：“总之我想演啲同自己完全唔同嘅角色，俾人知道其实我仲有其他面貌！”

每日上网听新歌已成习惯

今次选曲类型非常广泛，由关淑怡、郑秀文、许茹芸，到英文歌甚至卫兰今年新歌《因为你世界又多一份光亮》，以及许志安刚刚推出的《信天翁》，Ramon忙于预备演唱会都有时间听新歌？他说：“入行前已习惯每一日都会上网，睇吓当日出咗乜嘢新歌或者新碟，而家确实系忙咗，但系都摆低唔到呢个热爱，当日一听到《信天翁》就好钟意，谂过喺网上面翻唱，点知遇到呢个机缘，就一定要拣呢首歌，感觉仲特别！”

红馆骚rundown 保持神秘感

在《双声演唱会》又会不会演绎《信天翁》及小剧场的歌单？Ramon说：“我同制作团队开咗好多次会，希望带嚟最精彩嘅成果畀每一位入场嘅观众，rundown 暂时要保持神秘感，可以讲除咗会唱自己歌之外，顺应近期八、九十年代经典广东歌嘅热潮，我同辉智会唱好多大家一定好钟意嘅金曲，亦有一啲大家可能少啲听，但系一听就心谂：‘系㖞，唔记得咗呢首咁正嘅歌添！’我哋会用各自唔同得嚟又好夹嘅方法去演绎呢啲歌，有信心观众一定会好钟意！”

以剧会歌 分享心头好乐

罗启豪说：“我钟意听歌尤其是 sidetrack，钟意到一个病态嘅地步，决定会不定期将我喜爱嘅歌曲制作成一个小剧场去分享俾大家，希望更多沧海遗珠被听见、被欣赏，希望你会喺我分享嘅歌单里面，揾到你都想循环播放嘅旋律 。”