日前曾傲棐（Arvin）于旺角商场进行 LunchTime busking，为新歌《实物落差协会》宣传，现场吸引过百粉丝逼爆广场，场面热闹。原定去年11月底举行的麦花臣首个个人演唱会，自从宣布改期至今年8月15日后，最新的消息是很快就会重启售票。

曾傲棐自夸：每日瞓醒已经好靓

除了busking哄动旺角，近日有位超级有心的fans，将Arvin早前于KKbox“一起听 听我讲”中“讲经”爆笑内容剪成三条片放上社交媒体，有心到晕。Arvin于节目中大讲“歪理”，笑爆网友，“你可能以为我冇妆头𠮶时好核突，但系冇计，其实我每日瞓醒已经好靓，我惊吓亲大家，惊靓爆大家嘅镜头，所以暂时就唔好冇妆头咁见大家住。”

曾傲棐被要求公开孖烟通清晰相

提到新歌《实物落差协会》Digital cover用了“上身靓仔、下身孖烟通”造型，有fans大胆要求“孖烟通清晰相”，Arvin即刻耍手，“冇呀，最清系咁㗎啦。播返只歌先。”讲到fans花心机整应援，Arvin自认是“I人”，“好喜欢好感恩好多谢大家花咁多心机、金钱、时间去帮我做唔同嘅应援，身为一个I人，对大家最大嘅回馈就已经系我喺元朗特登搭架车出去，望一望大家嘅Decoration、影张相，我已经耗尽我嘅能量，大家原谅我好冇？”提到名字经常被人读错，Arvin即嗌爆咪兼走晒音，“曾傲棐都唔识！曾傲棐都识？识读都偷笑啦！”十分搞笑。

曾傲棐跳唱《跳舞街》被Fans耻笑

另外，早前Arvin于英皇25+演唱会上联同陈慧娴、黄明德（Dark）、黎展峰（Andy）及洪助升（Aiden）齐齐跳唱《跳舞街》， fans叫他分享跳舞趣事，还希望他八月麦花臣show再跳，Arvin笑说其实大家是想耻笑他，“唔跳唔跳唔跳。我根本就唔明你哋笑乜，明明我咁用心去扭脚拧髻，头摇又尾摆，换来就系我一升上嚟你哋就开始笑。我要型呀！我要靓仔呀！我唔系要搞笑啊！”他愈讲愈激动，还戏剧性地说自己的跳舞梦已经被fans笑到粉碎，“算啦，我唔会再跳舞㗎啦，大家死咗条心佢啦，你哋自己亲手扼杀咗一个充满理想、热血同满腔热诚嘅年轻人，但系冇啦，呢刻冇晒啦！佢决定做番个普通人，佢决定放弃一个自己保守咗二十几年嘅秘密兴趣，去做番一个企定定唱歌嘅人。唔紧要㗎！呢个世界上少咗个杰出嘅舞蹈家系唔紧要，但系你哋要记得你哋曾经亲手咁样扼杀咗一个人嘅梦想啰。我只能够讲舞蹈界欠我一个交代。”