香港最搞笑嘻哈组合农夫（FAMA）将于7月18日过大海，在澳门威尼斯人综艺馆举行《农夫全香港最好笑嘅演唱会》澳门站，票价“劲加8蚊”早已引来全城笑谈。然而，演唱会未开，竟然先引来“骗徒”出手？

骗徒自称陈淑兰助理揾飞

有人自称陈淑兰助理，揾主办单位：“我系兰子陈淑兰小姐助手 XXX，想问吓你如果兰子过嚟澳门睇农夫演唱会，会唔会有两张门票留到俾我哋呢？”主办单位为免怠慢起见，直接向兰子本人查证——结果发现兰子没有这位助手，完全不知情，亦从未叫任何人去揾飞！

陈淑兰嬲爆：公开骗徒电话

兰子更亲自回复：“好嬲好嬲非常嬲！主办单位嚟问我，仲同我讲佢仲要唔系第一次用我个名骗人！话旧年已经用我个名去订其他歌手演唱会飞！当时大家不虞有诈，但今次因为系过澳门睇骚，大会觉得有奇怪，点解香港红馆𠮶阵唔嚟，于是揾人打嚟问下我，佢就穿煲啦！我真系好蠢㖞，我从来未问过人攞演唱会贵宾免费飞㖞，从来任何演唱会我都系自己俾钱买！农夫我都好钟意呀，但系如果我真系有时间，我会自己买飞去睇，唔会烦人啰。今日主办方好好，佢哋都问过我介唔介意公开呢件事，我觉得真系要公开㖞，我谂紧系咪要报警备案，同埋我建议公开𠮶个人电话号码、个名等等，免再有人受害。”

农夫：背唔到《举高只手》就报警

农夫得知事件后笑言：“哗，咁都有？我哋嘅骚好睇到要出动‘骗徒’嚟呃飞？主办同我哋讲，成日都有好多白撞嘅，试过用陈宝珠、梁家辉、郭可盈等等名字嚟攞飞买飞……添。不过唔紧要，我哋建议大家唔好揾人扮助理，直接6月5日中午12点上金光票务买，保证真飞，仲可以加8蚊感受我哋嘅‘大幅加价’诚意。”农夫再补多句：“如果有人话系我哋助理，你叫佢背一次《举高只手》嘅歌词再即刻报警啦。”