乐队Nowhere Boys成员来自不同成长背景，但他们同样深受香港Band坛传奇Beyond的影响。Beyond专属录音室，位于旺角花墟的“二楼后座”，因市区重建岁月无声地面临清拆，缘份让Nowhere Boys 一次偶然，用已故Beyond灵魂人物黄家驹最爱的木结他“小妖”创作了一首歌，在录音室停止运作前顺利完成录音。《二楼后续》MV纪录了“二楼后座”每个曾经有著Beyond与Nowhere Boys不同时空交错的逝去日子，同时延续Beyond的光辉岁月！

“二楼后座”清拆前用家驹专属结他

Nowhere Boys作为Beyond的忠粉，身处偶像专属录音室“二楼后座”，创作新歌《二楼后续》及录音，心情如赤血热血般兴奋与期待。结他手Ken说：“呢度系‘二楼后座’，呢支木结他叫‘小妖’，系黄家驹生前用嘅结他，我无亲眼见但睇相见过佢玩，佢话‘得闲就弹，唔得闲都会弹’。”结他藏于“二楼后座”，可以让音乐人使用。Ken说：“有一次我好得闲，所以就攞嚟弹，之后Van话啲Rhythm可以用到，不如我哋试吓用。”

Van忆述：“听到Ken弹我已经谂到啲旋律，所以即刻用电话录低咗用呢支结他弹嘅嘢。呢首歌《二楼后续》绝对唔系因为呢度冇啦而去做啲话题，只系纯粹因为Nowhere Boys对呢个地方有感情，好想喺佢完结之前，用我哋嘅音乐纪录呢个地方。”Ken强调：“用我哋嘅方法纪录呢个地方嘅声音、呢支结他嘅声音，我唔知道下次系几时可以再录到佢（小妖），但好肯定，下次就算我再弹到呢支结他，亦唔会喺呢个地方。”

《二楼后续》延续Beyond音乐精神

亲手写上每段得失乐与悲与梦儿，Van认为这是上天赐予的命运派对，于是坚持信念不再犹豫，懒理现时市场主流旋律，冲开一切以充满90年代Indie Rock风格创作《二楼后续》，以纪念Nowhere Boys在“二楼后座”用“小妖”最后一次在录音室的灰色轨迹。

Ken更点名要由钟说（钟雪莹笔名）填词，他说：“睇佢做戏，啲内心戏好强，年纪轻轻但对世事有好深感受、好细腻。”他更写了千字文，向钟说细致描述“小妖”的故事、“二楼后座”的灯光、器材等，希望她能为这首歌谱上Nowhere Boys与“二楼后座”这次无声的告别，他说：“最重要系呢度嘅‘精神’，就算呢度要拆，Beyond嘅精神永永远远都喺度，透过歌词传达呢个讯息。好难相信，原来我细细个听Beyond、去学结他、组band、喺度录音，感觉好似无几耐之前发生，原来已经30年，好amazing！每次嚟呢度录嘢都有好强嘅感觉，可能acoustic好好，每次都可以好集中精神，好易谂到，好快作出决定。”

鼓手Nate非常认同，他说：“我哋嚟到呢度好易‘挞著’，呢度嘅engineer辉哥（邓衍辉）好犀利，佢好集中用耳仔听住我哋做咩，好顺利录到好好嘅作品。”低音结他手Hansun笑说：“喺度录音，肯定好过喺我哋Band房！我好钟意呢度个鼓声，配合埋Nate，啲声够punch，录音好有feel！”

Nate说：“任何艺术都一样，一定要学习之前嘅嘢，先至知道依家要做啲咩，熟悉Beyond好重要，喺香港弹音乐走唔甩，好多机会去弹Beyond嘅作品，我每次睇到香港市民嘅反应，就知道呢啲音乐对呢班人有几重要。”他表示有一次户外表演，因同场另一队band缺了鼓手，他被临时拉夫上场，而当晚这场俾面派对，表演全是Beyond 的歌，围观者由零到爆棚，全赖高温制造气氛，即使已上年纪的观众亦变得活跃起来，他说：“可想而知Beyond做咗啲好重要嘅音乐，留低咗好嘅影响畀其他人，Beyond嘅影响系无限大，可能香港弹结他嘅人有一半因为佢哋，我觉得Beyond喺本地嘅影响力相等于Beatles，一样系最高嘅Level！”虽然“二座后座”已成为旧日的足迹，但Beyond的打不死音乐精神就像东方宝藏，过去与今天，抗战二十年、四十年，依然活在Nowhere Boys和广大乐迷的心内。