MC张天赋一连五场的《张天赋 E=MC² 演唱会2026》昨晚（7日）在红馆开锣，今次演唱会有不少暗黑和马戏团元素，去到中段先有一架染满血的巴士升上靠台，伴随著烟火效果，舞蹈员以丧尸造型亮相，而之后轮到MC在巴士顶出场，他揹著电结他，自弹自唱《牛马哲学》、《Ain’t No Fool》及演绎《第二人格》，然后轮到嘉宾Novel Fergus企巴士顶跟MC合唱《像话》，再独唱近日因“装修佬装修 地盘佬地盘”的《地盘佬》。

MC下台换完衫后，再坐在手术椅、手拿导具氧气罩唱《一百个未老先衰的方法》、《抽》、《男人怎可以》、《I'm OKAY》，之后当然不少得去年唱到街知巷闻的《说谎者》，接著再有《记忆棉》，之后MC走进玻璃柜演唱《怀疑人生》，再飙高音被巨型红色手抢指住唱《小心地滑》。

Encore部份，MC换上睡衣唱出《无名氏》，介绍新歌前他先深情剖白：“喺填词嘅部份其实我好少会参与，今次我就话，我有一个故事，我想你帮我将呢个故事变成歌词，细细个大家知我好曳啦，亦都喺妈妈成长嘅过程之中，有好多好多嘅奖项、成就，可以嚟到红馆好开心，我发现我喺多谢人嘅时候，好少多谢一个人，我发现𠮶个就系我妈咪。”他透露张妈妈第三场才观看，但他率先分享创作这首歌的理念及自己对母子关系的反思：“我成日都会同佢嘈交，同佢有好多争执，一路喺度谂，究竟沟通点解咁难嘅呢？点解佢唔明我嘅呢？渐渐大个咗，我就发现，爱一个人或者对一个人好系冇需要100%嘅沟通，唔需要100%嘅理解，实在太多事情发生，大个咗之后我就开始觉得佢亦都慢慢变老咁，我好担心，有一日，死啦，慢慢变老点算好呢？于是乎每一次同佢见面，临走嘅时候都会有个小习惯，就系一定会揽住佢锡佢面珠墩一下，有口水𠮶只！”

最后，他说这首新歌叫《至少相拥没错》，解释：“我要揭晓呢首歌个名，呢首歌就系无论发生咩事都好，揽佢一定冇事！所以今晚返去大家听完呢只歌，都揾一个你爱嘅人揽吓，锡佢面珠墩一下，有口水嘅！”现场Fans随即起哄，表示自己想锡的便是MC。演唱会最终在约10点45结束，MC以《七点半的阳光》作结，并向四面观众鞠躬致谢说：“听日见！”

睇更多MC演唱会靓相：