夏天，为大地带来雨水，换了亚麻子发色的Cloud云浩影，新歌《我想和你虚度光阴》，曲风清新轻快，MV导演想到赤柱拍外景，男女主角在街头偶遇一舞定情的浪漫画面，庆幸拍摄当日除了早上洒过一阵雨，整个MV总算在晴朗的天气下完成，但高温的夏日，Cloud和MV男主角黄溢濠还要在大街上翩翩起舞，镜头前画面浪漫甜蜜，镜头后两个却热到大汗淋漓。

Cloud大赞黄溢濠有型又靓仔

Cloud的新歌《我想和你虚度光阴》，作曲有Hans陈思翰、袁景翔、王璠，填词陈咏谦，编曲和监制是和Cloud合作无间的苏道哲。“呢首歌俾人一个好开心嘅感觉，好自在好自由，所以想藉住呢个MV去排吓舞、郁多啲，同埋构思呢个MV嘅时候我觉得系要有一个男主角，因为我想呢个MV有啲戏剧嘅成份，有啲LaLa Land嘅感觉，要揾个男主角有啲型、又几靓仔、有啲Charm、笑起上嚟好好睇嘅男仔，所以揾咗黄溢濠。”

黄溢濠为拍摄MV学跳舞

被Cloud力赞，黄溢濠分享自己当日被邀请时的趣事，他说：“当时我哋好random咁撞到，佢第一句就问我你识唔识跳舞？我话我唔识，但我可以学，可以好快学到，跟住佢就：嗯！咁我谂吓先啦！”Cloud接著说：“我真系咁讲嘅，因为佢好认真咁问我要跳到咩程度，好上心，好认真咁对待呢件事，我就话唔使练好多㗎咋，但我哋都练咗好多堂。”

Cloud自爆为拍摄连上五天舞蹈课

Cloud坦言入行以来，从未试过为一个MV，到排舞室排舞，前前后后上了五天跳舞堂，她说：“溢濠系一个超认真同埋好谨慎嘅人，我上第一堂跳舞堂，当时刚刚揾佢，佢已经主动问我可唔可以嚟睇？后来我见到佢个样好担忧，我冇见过佢咁担心。”演而优质导，但对于跳舞，黄溢濠坦言与舞蹈这回事有一段距离。“到后来睇完Cloud跳舞，觉得都可以handle到，所以冇之前咁大嘅顾虑，同埋睇到系练得到嘅嘢，唔系要我个头喺度转，加上因为个MV有跳舞，所以我好想接，头先都讲我系唔识跳舞，但我就系想学吓。”

排舞老师大赞Cloud极认真

当日排舞老师Jacko也在场，即使天气再闷热，Cloud仍争取在埋位前，跟排舞老师练习，非常认真。MV故事相当浪漫，讲男女主角在街上偶遇一见钟情，之后更走到大街共舞，途人亦被二人的甜蜜氛围感染，加入一起跳舞，故当日一共出动了21位dancers一起拍摄。

Cloud整断花束遭取笑“摧花贼”

二人先拍摄街上偶遇的戏份，Cloud拿著玫瑰花走到黄溢濠身旁，一见钟情的场面原本甜蜜浪漫，但Cloud常常不小心整断花束，被现场工作人员取笑她是“摧花贼”，黄溢濠见状亦哭笑不得。到正式拍摄二人共舞的画面，每一次完成拍摄，两人都会主动睇playback（拍摄回放），希望在动作和表情上加以改进，尽力做到最好，即使每拍完一take，两个都要不断抹汗补妆，但仍坚持拍了十多次，非常专业。

共舞场面完成，满头大汗的Cloud说：“头先好奇怪，点解溢濠咁大力转我呢？平日排舞都唔系咁，原来佢想搬番我个样去cam（镜头），但其实我哋系唔使望cam，但一个专业嘅演员，系需要眼顾四方。”

黄溢濠期待Live演出

问到黄溢濠对于自己的表现？他说：“我只系觉得好热，因为刚才转咗好多唔同嘅机位，呢度我哋要做咩？要加啲咩？所以先可以拍得咁快。”问到有冇机会可以现场欣赏到二人共舞，Cloud说：“会唔会Live？嗯！我觉得好难，因为要揾番个男主角。”但身旁的黄溢濠马上说：“我可以呀，睇吓个歌手会唔会邀请我啰！”