Gin Lee李幸倪YouTube节目《Miss Gin》今次第八集请来著名音乐监制徐浩（Terry）做嘉宾，二人大爆录音室内的奇人奇事、歌手的“古怪僻好”。徐浩更直言“曲、词、编、监”当中的“监”，说到尾原来是“打杂”？

Gin自爆为转做幕后曾帮手倒车

Gin指不少歌迷经常听见歌手多谢“曲、词、编、监”，但监制究竟做啲乜？今次她便找来Terry解说。他形容监制似一个“全能大管家”，由跟歌手倾偈定方向、找人编曲、录音到后期制作，全部一脚踢。他透露自己最初都是歌手出身，之后转做幕后，一开始都是由低做起，帮手剪和音、冲咖啡、甚至倒车都做过，这都是为了在旁边偷师，观众前辈如何跟同歌手及乐手沟通。

Gin录音最怕歌手咬字有问题

Gin问到录音最棘手的事，Terry谓最怕歌手咬字有问题，Gin大表认同。Terry指现今科技先进，音准及拍子通通可以靠后期电脑逐个音Tune好，唯独“咬字”！“遇到咁嘅情况，就要开住份歌词，逐个字同歌手解释同练习，因为好多时歌手自己根本听唔出有问题。”

Gin自爆新人时期笑料

徐浩又爆料话，录音前“食嘢”同“叫外卖”这个环节极度重要，尤其是跟第一次合作的歌手，他会透过一起食饭倾偈，了解对方性格，建立信任，笑言这个步骤随时紧要过录音本身。说到嗌外卖，Gin就忍不住自爆新人时期的笑料，“我开头唔知呢样嘢，点解会食饭呢？呢个时间唔系要录音嘅咩？做新人嘅时候好紧张，prep足成个礼拜，每一日一起身就唱唱唱，好ready啦。好！四点录音吖嘛，我谂住一去到录音室就唱，去到监制就同我讲：‘点啊？食嘢未啊？嗌啲嘢食先啦’哈哈。我就……‘都好呀。’之后先知其实系透过一个食嘢嘅环节去了解歌手嘅特质、性格等等，然后就会令之后嘅录音程序更加畅顺。”

Gin爆容祖儿点蜡烛唱歌缺氧

讲到歌手录音时的奇特癖好，Terry就话自己算好彩，未遇过太古怪的Case，最多都是见过有人点蜡烛、喷香水营造气氛。Gin一听到“点蜡烛”便劲surprise，“因为我听过祖儿嘅故事，佢话佢以前录音嘅时候，要唱一首可能好emo嘅歌，佢就点晒蜡烛，跟住呢越唱越晕，原来缺氧！ 所以我好记得呢个故事，哈哈！”除了点蜡烛， Terry透露有歌手很怕跟人有Eye Contact，因为录音室与控制室之间通常只隔住一块大玻璃，有歌手会怕被人看到他唱歌时的样子，Gin表示认同，“我又明嘅，其实你入咗自己嘅世界，想去投入，可能都已经冇表情管理㗎啦。”

Terry怕歌手录音受影响为其清场

不过讲到最影响歌手跟监制，Terry坦言录音时有人站在他后面！“因为歌手喺𠮶个咁赤裸嘅时间，如果后面坐一班人，系好影响佢。所以我都系，尤其是录一啲比较emo嘅歌嘅时候，我就会尽量只系得我同个歌手喺度。我就会请其他嘅同事、even我自己嘅assistant，我都会请佢哋出去。”Gin听完即刻和应，“我都有同感。因为有时你唱某啲歌，你真系会觉得自己系全部摊晒出嚟俾人睇。所以如果喺呢个 moment 后面有人倾偈，你就会突然间出戏。 ”

现场突袭提问“监制恋歌手”Terry尴尬认缘份

最后去到场外提问环节，现场拍摄团队问到Terry：“你有冇睇过《金枝玉叶》？”Terry不以为意答道：“有呀有啊呀。”然后拍摄团队再说：“监制通常后尾都同歌手发展出恋情⋯⋯”Gin立即大笑，这时Terry才恍然大悟（其太太是歌手曾乐彤），更忍不住掩咀笑起上来，大赞提问厉害，“呢个几劲㖞、呢个几劲㖞！”这时Gin“加一把劲”，“呢个真人真事㖞。”Terry尴尬地说：“都唔一定嘅，有啲咁嘅事发生嘅间唔中都，我亦都唔系唯一一个嘅，缘份嘅嘢好难讲嘅，就咁啦，下次见。”