一连三场的《张敬轩 UNPLUGGED 2 第二乐章音乐会》昨晚（24日）于澳门新濠影汇综艺馆正式揭开序幕。向来喜欢搞新意思的轩仔，今次唔玩华丽珠片闪石战衣，反而回到纯粹初心，跟乐迷来个纯音乐交流。他特别向自己中学年代影响甚深的音乐厂牌“滚石唱片”致敬，翻唱多首经典之余，更毫无预警下首唱未派台新歌兼现场首播MV，惊喜十足！

张敬轩澳门show突袭抛震撼弹

音乐会开场，轩仔先为观众带来沉浸式行为艺术体验，为整个show骚营造独特氛围。正式开show后，他向观众解释这个UNPLUGGED 2 演唱会的初心，“好开心，呢个UNPLUGGED 2 演唱会可以喺十七年之后、喺就嚟打风嘅weekend举行。”他坦言这几年不停做演唱会，今次很想做自己喜欢的表演，“今晚呢个UNPLUGGED 2 音乐会应该可以话系一个好private嘅concert，我净系想有一个好好嘅舞台、好好嘅配套、好好嘅音乐总监，同埋好好嘅观众，安安静静咁样有个好靓嘅场地，喺呢度好好地、好放松咁唱吓歌。”讲到衣着，他笑说：“终于有一个演唱会系冇珠片嘅衫啦！系冇闪石嘅衫，呢个show简单啲，希望大家唔好介意。”

毫无预警首唱未派台新歌《灵魂相愿》兼现场首播MV

这次音乐会其中一个重点环节，轩仔跟乐迷分享他的音乐成长旅程，他提到自己成长时期是超级乐迷，会跟着不同唱片公司听歌，最沉迷的，就是“滚石唱片”，“佢有好多我好钟意嘅歌手，有哥哥张国荣、忆莲、辛晓琪、有我嘅偶像李宗盛先生。以下呢个Chapter我将佢命名为‘我的滚石时代’。”在演唱林忆莲的《不必在乎我是谁》前，轩仔感性谓：“呢首歌，细个听嘅时候冇乜感觉，就觉得好好听，Melody好靓，但系每一次我都唱唔晒，希望今晚可以忍住啲眼泪唱得晒。”随后佢一口气唱出《明天我要嫁给你》、《飘洋过海来看你》及《爱我别走》。

Encore环节，轩仔再次出场，观众急不及待疯狂叫加场，轩仔笑着说：“我都唔知几时可以有啲show系冇encore，哈哈。你哋早啲返屋企瞓，不过咁耐都冇同大家见面，所以大家肯听，我都肯唱。”正当大家以为只系普通encore，轩仔就抛出终极震撼弹！“一系我就唱一啲我之前唱过，但系就唱得好好听嘅翻唱人哋嘅歌，一系就唱一啲你哋都冇听过嘅新歌。”结果全场当然大嗌要听新歌，轩仔再一不离二，谓即场进行MV首播，兼透露每晚都会唱一首唔同嘅新歌，令乐迷充满期待。

剖白宠物与恩师离世之痛：“要学识同最爱Say Goodbye。”

演唱新歌前，轩仔收起笑容，跟大家分享新歌《灵魂相愿》背后的沉重故事。他指2024年头觉得自己是全世界最幸福的人，后来却成为人生最大考验的一年。他透露那年经历了两个重大打击，“第一个打击就系屋企最后一只宠物，我喺香港咁多年陪伴我嘅最后一个伴，我只猫猫Leslie走咗，到年底嘅时候我好亲爱、好似一个屋企人咁样嘅一个Mother Figure，我哋英皇娱乐嘅CEO Shirley离开咗。”

轩仔坦言2025年开始感到一片茫然，直至完成上次澳门演唱会后，休息了一段长时间，才敢“喺个回忆嘅柜桶入面攞返一啲要去处理、要去面对嘅情绪出嚟。”他提到这首歌一直收埋不敢打开，直至最近跟填词人朋友有类似嘅经历，才一起将这份情绪化成旋律。他寄语乐迷，“我觉得我哋人生当中最大嘅课题就系学识喺我哋长大过程当中，慢慢去同自己最爱嘅人、最爱嘅事去say goodbye。情绪系痛苦嘅，但当我哋识得将佢面对、将佢释怀嘅时候，可以化为另外一种能量。”最后他唱出这首充满洋葱的《灵魂相愿》，让全场观众沉浸在轩仔最真挚的情感之中。