COLLAR成员李芯駖，昨日推出年度首支个人单曲《Ms. Icy》，歌曲旋律偏慢，是以舞台剧《你好，打劫！Return》的角色“Icy”作蓝本，讲述女性基于恐惧、习惯、对未来的未知，而被困于一段有害关系，终在刹那间醒觉，决定要抽身离开。今次MV更是芯駖首次自编自导自演，还特别找来《你》剧导演鲁文杰客串演出，绝对是一大挑战。

以《你好，打劫！Return》的角色“Icy”作蓝本

《Ms. Icy》由KW朱敏希作曲填词、亚木填词、Fergus Chow与Derrick Sepnio监制，对于为何歌曲会以《你》剧角色“Icy”作蓝本？芯駖表示构思来自第二次演出，她说：“今次系我第二次演出呢个角色，再次翻睇剧本，我发现Icy嘅处境，同好多女性真实经历好似，被困喺唔健康嘅状态入面，明明知道唔舒服，但系又走唔到。表面上挟持佢嘅系一支枪，但实际上，困住佢嘅可能系佢自己嘅恐惧、习惯、或者对‘离开之后会点’嘅未知。”

芯駖认为“Icy”不仅是一个角色，更是一种女性状态，她表示：“《Ms. Icy》呢首歌，就系想呈现𠮶个‘决定离开’嘅瞬间。个‘逃生出口’，其实一早喺附近，只系一直唔敢望。今次我再演Icy，希望可以帮所有有类似经历嘅人望到出口。”

MV自编自导自演 邀鲁文杰演出

对于第一次参与幕后工作，为MV自编自导自演，芯駖表示一大挑战，透露事前花了约两个月筹备：“第一次参与幕后工作，感觉好赤裸，亦惊叹导演嘅责任好大。做演员，只需要喺镜头前面交货；但做导演，系连‘交货’嘅标准都要自己定。我会不停质疑自己：呢个镜头够唔够长？呢个情绪够唔够真？呢个节奏会唔会太慢？”

说到MV拍摄难忘事，芯駖直言是邀请了《你好，打劫！Return》导演鲁文杰来客串：“ 佢喺戏入面创造咗Icy，而呢一日拍摄，佢亲自嚟到Icy嘅结局入面，留低一个身影，由佢手上诞生嘅角色，由我带到海边。𠮶种感觉好特别，好似一个循环终于完整咗。”