由Marf邱彦筒、Gao沈贞巧、Day许轶、Candy王家晴、Winka陈泳伽、Ivy苏雅琳及Sumling李芯駖组成的乐坛女子组合COLLAR，继2024年推出首张 EP《Unit 1201》后，相隔近两年，将于下月11日再度推出专辑《PERSONA》；专辑将收录7首全新歌曲：《泪光》、《SKSKZAZA》、《刺客斗死党》、《初级成人礼》、《管理还管你》、《（almost) perfect girl》、《流浪足印》，其中头炮作品《泪光》率先下周一登场，为推出的7首新歌揭开序幕。

Marf期待乐迷反应

相隔近两年再次出专辑，COLLAR全员表示热切期待，当中Gao表示：“两年后再出碟，实在觉得非常感恩，知道出碟并非一件容易嘅事，团队同我哋都非常投入，而且倾尽全力。我个人而言，呢次大碟嘅风格跟《Unit 1201》对比起来，有一种成熟嘅感觉，上次系勇敢闯公路，今次就好似路途上遇到嘅一啲事、成长中必经嘅人生车站，感觉有啲似续集。”Marf就透露，当知道拍板推出专辑后，她专登回看《Unit 1201》，她说：“唔知点解好想快点见到新专辑面世，然后将新旧专辑一次过睇；我觉得今次歌曲会比较适合大众嘅类型，所以好期待新作品推出同观众嘅反应。”

犹记得《Unit 1201》拥有强劲的制作团队，今次《PERSONA》亦不遑多让，云集多位重量级音乐监制：T-Ma、徐浩、苏道哲、陈考威等，舞蹈方面除了有外国排舞蹈师编舞外，亦有香港新生代排舞导师加入，务求以崭新舞姿上阵。

新曲风成熟感性

打头阵的《泪光》将于下周一首播，歌曲旋律偏慢，有别于COLLAR节奏澎湃的风格，不过歌词真挚，以记录过去几年COLLAR的经历，Sumling说：“过去几年，我哋经历好多，有开心、有辛苦、有喊过嘅时刻，而呢首歌就系想将𠮶啲‘喊过之后仲会发光’嘅瞬间记录低。我哋COLLAR试过喺排练室、喺后台、甚至喺台上忍唔住喊，但每次喊完，我哋都会抹干眼泪继续行。呢首歌就系想讲：眼泪本身都可以系一种光，佢唔代表你输咗，而系代表你仲有感觉，仲会痛，仲会想好返。”Winka指《泪光》的曲风是COLLAR初次尝试，她认为：“COLLAR就嚟五岁，呢首歌有一种感性得嚟又成熟嘅感觉，我觉得好啱时机成为头炮作品。”

Candy适合慵懒感

此外，7首歌之中，Candy表示最爱《初级成人礼》：“透过呢首歌，发现自己都几适合𠮶种慵懒感觉，因为呢首歌需要好放松、好慵懒感觉，所以录音嘅时候好chill，完全可以跟住自己嘅感觉去唱。”至于Day最爱《（almost) perfect girl》与《刺客斗死党》，她笑说：“《（almost) perfect girl》歌词好贴近我哋，好似写我哋嘅故事，亦好似好多女仔嘅故事，觉得呢首歌会有好多共鸣；而钟意《刺客斗死党》，因为系COLLAR初尝试嘅曲风。”Ivy最爱《流浪足印》，Ivy指：“因为呢首系我心中，觉得属于COLLAR嘅歌！”