歌手林奕匡（Phil）昨晚（3日）出席《香港01》十周年庆祝酒会，谈到人生没有几多个十年，作为一个里程碑，自己最重要的计划都是围绕儿子Darrien。由于仔仔才刚刚开始上学，未来的时间就是看著儿子由幼稚园升上小学及中学，而作为父亲最重要是做好音乐和自己岗位的事，这样才能支持到儿子成长。

谈到第一日儿子上幼稚园，林奕匡搞笑指：“第一日返学我同太太就好感触嘅，但系仔仔知发生乜事，佢以为去玩咁，但系第二日佢就喊，因为知道我哋会走咗。（有没有唔舍得？）一直以来，我睇住佢每一刻嘅成长，嚟紧佢会学到啲嘢，佢学到我都见证唔到佢点样学。我发现我miss咗呢样嘢，呢个冇得补救嘅。我就谂，如果有镜头捕捉下，咁我可以睇到，但系冇啦，有时都要放手嘅。咁同埋趁呢段时间佢返学嘅时候，我可以做多啲自己嘅工作，啱啱头先送完佢返学，就做好咗只demo，做好咗只歌。”

至于问到林奕匡与太太是否虎爸虎妈，他表示两夫妇都很鼓励儿子去学习，亦会有适量的鞭策：“但系我觉得唔需要太过over，因为我觉得童年最紧要快乐，同埋有一种无拘束嘅感觉。因为要有一种放胆去试，放胆去探索，其实小朋友需要去探索，因为佢才可以了解自己。”提到儿子可有音乐天份，林奕匡即开心谓：“有，佢好细个已经对拍子有感啦，佢依家已经跳舞。佢有指定嘅歌要我播畀佢听，佢亦都系第一个听住我啲慢歌而跳舞嘅人嚟嘅。”