女歌手兼Rapper KALAI家丽在28岁生日（9月14日）的大日子，正式宣布加盟陈奕迅 （Eason）的EAS MUSIC，成为旗下首位女歌手，并在今日举行发布会。活动上Eason分享自己欣赏KALAI家丽的原因，透露是因为老婆徐濠萦而认识对方，并十分欣赏KALAI在台上散发的energy。他忆述最初是阿徐的店舖活动邀请KALAI家丽去表演，认识后更欣赏对方：“知道佢咩都自己落手落脚做，音乐每一个音，所有佢嘅创作，都系喺间房仔自己斗出嚟，我觉得呢个好值得respect！”之后KALAI家丽又恰巧去Eason的朋友店里打工，Eason又follow了她的YouTube，直言：“佢每次出嚟都好期待佢嘅作品，每次又有唔同嘅嘢㖞！佢唔系净系话唱Rap就净系做一类型嘅音乐，佢咩款都有，有时sweet、R&B，慢慢倾多咗偈，其实最初见到佢有啲唔好意思，喺我角度第一次识KALAI，佢好性感、好女仔，点知一见到佢真人佢好男仔头。”

声带做手术曾恐无法再唱　KALAI哽咽感谢知遇之恩及等待

而KALAI获Eason赏识，她哽咽感谢对方的知遇之恩，表示：“我觉得我自己好幸运，好开心Eason、Lisa（甘菁菁）相信我，因为香港其实有好多做自己创作、好多音乐人，其实大家都好努力，但系我嘅光芒可以俾你哋见到，我觉得我系一个好幸运嘅人！”她又透露自己去年底声带有水囊，正准备做手术之际，就收到EAS MUSIC邀请，不过当时未知自己以后还能否继续唱歌，但很感谢Eason和Lisa愿意等自己：“我觉得有相信我嘅人愿意等我，系一件好感动嘅事！所以，Thank you！”Eason指自己想支持KALAI，是希望乐坛上有另一把声音可以跟大家分享，让大家有共鸣，他说：“可能呢个类型唔系最流行，其实都好流行啦，但希望多啲群众接触到EAS MUSIC想带俾大家唔同嘅音乐类型，佢哋可以代大家去讲一啲佢哋嘅故仔，攞到共鸣，而有种释怀，或者有宣泄嘅帮助，佢就系咁纯粹，所以我一定要支持。”

Eason大赞KALAI舞台力量　爆二人曾打通宵牌

目前KALAI已录了几首歌，Eason则会做她其中一首歌的vocal producer，他指虽然唱歌、语感等自己可以跟KALAI分享经验，但对于舞台上他就完全不担心：“She owns the stage! 佢上到台直情好似佢自己地方、佢屋企咁。”而讲到私下相处的深刻经验，Eason就笑谈打牌找KALAI“戥脚”：“我tour嘅时候，《Fears and Dreams》，佢帮手搞吓Merch𠮶个department，佢把声又够中气，叫啲人排好队𠮶啲。”直至他完成西安站演唱会后，与KALAI打牌打到早上8点：“佢话唔识打牌，但系我话唔紧要，你第时可以戥脚！”

Eason送生日蛋糕欢迎入公司　KALAI首唱加盟新作

在台上chit-chat一轮后，Eason更代表公司送上KALAI家丽喜欢的红色生日蛋糕和花束，向她说：“EAS MUSIC欢迎你！音乐圈欢迎你！”又祝福她享受音乐旅程上所有风景、拥抱所有经验。活动上KALAI除唱出《Like A Fool》及《GO UP》外，最后当然不少得她加盟EAS MUSIC后第一首音乐作品《THAT’S HOW WE MOVE》！

生日发布会双喜临门　KALAI形容唱歌机会如失而复得

发布会结束后，KALAI接受传媒访问，谈到生日与发布会双喜临门，她难掩兴奋，但表示：“每日都有练习，同自己讲平常心面对，所以面对到焦虑，都冇瞓唔著。”之后KALAI又感性表示，想到前年年底经历声带不舒服，到今日可以站上台唱歌，有种失而复得的感觉，再加上得到Eason鼓励，都令她格外感恩！她续说：“𠮶时佢哋邀请我，我就同咗佢哋讲话我要做手术，暂时唱唔到歌，但系佢哋同我讲话我哋会等你㗎 ！所以令到我更加有决心， OK，我一定要去做呢个手术，同埋我一定要好努力咁去康复，练返我把声返嚟。”之后她用了三个月时间让声带康复，再慢慢练歌，如今过了一年，让声带得以回复至较好的状态。

感激徐濠萦欣赏给予第一束光　盼将来有机会合作

讲到最初发掘到她的徐濠萦（阿徐），KALAI同样感恩：“佢邀请我去做佢一个活动嘅表演，我觉得呢个真系一个好大嘅肯定，因为系一个品牌去邀请你嘅时候，我觉得佢会睇到我身上面睇到啲咩，好开心识到佢，佢俾咗第一束光我，令我之后有机会再展现！”至于会否由阿徐担任往后的形象指导，KALAI说：“暂时未知，但系如果有合作机会系非常之想，因为我都觉得佢着衫好靓！”

户口曾剩$20　签约后仍坚持全职工作：打多份工追梦好型

KALAI在台上谈到以前试过户口只剩$20，而现时即使签了公司，仍然会继续返工：“我系有做网上Online嘅嘢，咩都做，但系其实之前都系返紧同一间公司，我返紧第五年，而家都仲有全职工作。其实我全职工作嘅老板系非常支持我，我谂我暂时就未想quit住，始终我觉得我暂时未系好稳定，同埋我钟意啲时间咁full，好似再实在啲，再多啲冲劲，再珍惜多啲我做音乐嘅时间，所以暂时咁样先，如果quit咗全职做音乐，我再话俾大家听。”

问到会否担心收入不稳，她笑言要视乎品牌老板会否照顾自己，直指一定会担心，但最主要是想“搞掂自己”，不让家人担心，自己也庆幸家人从没阻止她追梦，坦言：“佢哋冇逼我成为佢哋想要嘅女，但系佢哋容许我寻觅我自己想做嘅嘢。”因此她表示：“俾我打多一份工都OK，我觉得用自己去打工去坚持自己梦想，我觉得呢样嘢系好有型，我会继续！”讲到EAS MUSIC对其发展路线的部署，她透露：“我谂佢哋都系想我继续做我自己想做嘅嘢、想做嘅音乐，所以暂时冇一个好大嘅指示，但系我做喜欢做嘅音乐就OK，我就努力报答佢。”

回应与Eason合唱可能　欣赏康堤音乐品味会互send demo

讲到会否有机会跟Eason出合唱歌，她表示：“如果真系有呢个机会系非常之想！但系我谂我暂时想做好我自己作品先，做好咗作品俾人哋见到，不论系Eason又好，或者其他我好想合作嘅artist，我觉得我要做好咗我自己，畀到一啲好嘅作品俾人哋睇，邀请人哋，我想俾返呢个诚意，所以暂时Focus喺自己度先。”说到Eason的女儿康堤（CONSTANCE）是去年乐坛新人，如今Eason又签一位乐坛新人，不过KALAI就指，自己之前已出过歌，所以今年已不符合乐坛新人资格：“唔紧要，我觉得虽然唔系喺女新人起步，但系可以做自己嘅音乐，睇吓会唔会有机会参与其他奖项或者继续嘅话，我觉得都系做自己音乐先啦， Focus自己。”

KALAI透露自己跟CONSTANCE也是朋友，平时会聊天：“我哋平时都有倾偈，都有share我哋钟意听嘅音乐，因为真系听好多唔同类型嘅音乐，佢嘅Music taste真系好正，所以我哋都会keep住倾吓偈，同埋我哋会share下啲demo。”此外，KALAI透露自己喜欢的香港歌手是卫兰，大赞：“我由细到大当然有一定听Eason啦，同埋我好钟意卫兰，好正！佢唱流行曲同埋佢唱一啲好有groove嘅歌嘅时候，两个都好正！”

按图睇更多发布会靓相：