陈家乐推出个人单曲《我们都是无名氏》 亲自填词感恩昔日战友
10月5日陈家乐推出首支个人单曲《我们都是无名氏》，歌曲除了是他入行逾20年首支推出的个人派台单曲，更是他首次尝试亲自参与填词创作。
首度跨界填词向“无名氏”致谢
提到歌曲创作灵感，原来跟他的婚礼有关。他指写词期间，发现很多曾经并肩的朋友，如今已经散落在不同的人生轨迹上，有些甚至连名字都记不起，但那份曾经一起奋斗的感觉，一直留在心中，“我谂番起开始写名去邀请朋友嚟我嘅婚礼，发现有好多人其实我同佢已经好少联络，甚至只系有一面之缘，甚至可能连名都唔记得，只系𠮶阵时我哋有共同嘅目标、或者一啲共同嘅奋斗原因，大家好近，但过咗之后大家就冇再联络，但系喺我想邀请佢嘅时候，我已经冇办法再联络佢，所以开始形成咗呢首歌嘅构思。”他希望藉住这首歌，向这班“无名氏”说声多谢。
太太连诗雅穿针引线Dear Jane班底制作
歌曲制作班底，家乐直言要多谢太太连诗雅（Shiga），“呢首歌系我太太帮我揾咗佢嘅朋友、音乐嘅伙伴Dear Jane嘅Howie作曲，同埋仲有一位方浩权佢帮我执返啲词再靓仔啲，因为我填完之后发现字系啱音嘅，但好难去唱出嚟，佢就帮我执靓啲，监制系琛哥，都系Dear Jane嘅监制嚟嘅，所以好多谢佢哋去帮我完成呢件事。”
《白日之下》金像导演简君晋情义相助
MV方面，家乐找来好友导演简君晋帮手，二人相识多年，当年家乐第一次任电影男主角，就是由简君晋执导，而简君晋的首部电影，亦是跟家乐合作，“佢亦都系电影《白日之下》嘅导演，佢好耐冇拍MV㗎啦，为咗我出山，再拍MV，所以今次嘅MV对我嚟讲系好有意义。”
家乐坦言，今次跳出演员身份，用音乐跟大家见面，是一个很大的尝试，希望大家可以透过这首歌更了解他，“我好希望大家可以除咗喺电影嘅世界见到我，亦都希望可以凭着歌曲或者今次我填嘅词去更加了解陈家乐系一个有啲咩谂法嘅人。希望喺将来可以再同大家有多啲机会去倾偈，同埋我都好希望日后有机会成为到人哋嘅‘无名氏’，可以俾到一啲鼓励同大家一齐去前行，继续努力。”