唱作歌手黄明德（Dark）推出全新单曲《巨人之力》，一如以往由他亲自作曲，今次更参与编曲部分。歌曲以“成长的挣扎”为主题，将现实步步紧逼下、披上盔甲长成连自己也感到陌生模样的无奈，化作一场翻天覆地的地鸣。Dark直言今次作曲是他众多自己写的作品中“最smooth、最快完成、改得最少”的一首，他指新歌有别过往轻快风格，以较重型摇滚姿态呈现，“有啲似动漫主题曲，不过系广东话版。”

黄明德入行后心理产生落差

歌曲最想表达的是成长无力感，Dark坦言是那种踏入社会前想像与现实越走越远的落差，“好多你付托咗真心出去嘅时候，原来人哋未必都系咁样对你。”他透露自己出道早，未经历过社会“毒打”便入行，一直以中学时期认识朋友的方式与圈中人相处，“好多时好多呢行嘅人会大过我，佢哋嘅阅历会多过我，好多嘢我都唔识。”他坦言过程中发生过不少不开心时刻，“例如我真心对呢个朋友，但系原来佢都唔系当你朋友，或者你觉得所有人都可以当做朋友，但其实有啲人系唔可以令到你咁样做。”Dark又谓入行前以为做歌手“真系斋唱歌”，“但系原来有好多嘢啦，fans嘅管理、形象、自己嘅行为、Social Media经营，甚至乎讲得通俗少少，就系你要识玩呢个游戏。”他感叹单靠努力钻研唱歌和音乐，未必足以突围而出，“你要知道你要花好多时间去思考观众喜欢啲乜嘢。”

出道五年渴望突破自我

歌词提到“既然这个世界逼人太甚 我们决意变身巨人 破开矩阵”，Dark指现阶段最想突破的“矩阵”，正是安于现状的自己，“而家已经出道咗第五年，慢慢开始有少少磨蚀咗，或者冇一开头𠮶一、两年咁有冲劲，咁想去达到某啲嘢嘅时候，就想破开呢一样嘢，破开自己俾呢个世界或者周围去磨蚀自己。”他承认自己需要强硬一点，但同时觉得这与成长本身存在矛盾，“你要识得点样去强硬得嚟唔好令人觉得你太强硬，其实都系一样好难嘅事，亦都系一样我谂一生嘅课题。”他续指，这一年最大得着是学识勇于表达自己，“真系发现咗自己唔讲，呢啲人系唔会知、亦都唔系个个咁得闲理你，其实系冇人理你㗎，你要讲，咁人哋就会听。”

宁当心目中最好的坏人

歌曲最后一句“这次，宁愿做个最好的坏人”相当有反差，Dark透露这句歌词是录音期间临时加上，“录咗第一个Section之后，崔展鸿监制就话不如加多句啦，咁我哋就即刻揾小克填。”他解释心目中的“最好的坏人”，是《进击的巨人》主角Eren那种心态，“你明知道呢个世界好残酷，但系你都要继续去追求自己想追求嘅嘢。”他直言追求自己想做的事，难免会成为世俗眼中的坏人，“可能你都会追求吓自己利益，你会表达多啲自己，咁可能会有啲人会有hard feeling或者可能会伤害到某啲人。”

MV挑战高难度武打戏

MV方面，Dark形容今次是“天赐嘅礼物”，最代表到歌曲的画面是MV尾声行上山，发现自己开始有QR code，“有一种你其实已经不知不觉间俾呢个世界荼毒咗，或者成为咗其中一员，但系点样做呢？其实都系随着你嘅决定。”拍摄最难忘的两件事，第一是动作戏，“我收到个filming schedule嘅时候，觉得都系郁两吓，去到后尾Jacky导演话会有武术指导、又会有替身演员，我就开始feel到大镬！”他笑言现场要即时拉筋，“因为我柔软度都好差，佢有一个动作用只脚伸开敌人嘅时候，我只脚唔系好擡得起，咁就要即刻拉拉筋。”他又大赞替身及武打演员专业，“俾我打嘅𠮶啲演员，佢啲反应系做到好似真系俾人打，成件事就smooth劲多，完全冇突兀。”第二件难忘事是情绪演出，“我每一幕都要喘气，因为我每一幕开始之前都要入返𠮶个情绪，因为MV入面我系长期都喺度追逐、喺度打斗、喺度跑，成个MV跑咗起码六、七K，哈哈。”