COLLAR成员Candy王家晴，继推出《直白》、《灯神》两支以爱情为题的个人单曲后，昨日推出年度最后一首歌曲《连名字你都说错》，并找来George欧镇灏担任MV男主角，新歌贯彻凄惨情歌风格，继续以虐心爱情故事作牵引；而对于乐坛成绩表即将年底派发，Candy对此冇有怕，皆因出Solo见证着自己心态成长及进步，已是最大得著。

明年计划出励志歌

新歌《连名字你都说错》，是Candy 3首个人歌曲之中，最具故事性的作品，“今次再一次揾Wyman黄伟文填词，当初收到Demo时，‘连名字你都说错’系其中一句歌词，Wyman一听到，佢已经谂到成个故事起承转合，佢话好想引用番呢句做故事主题；而故事中同男主角，一切嘅暧昧、所有嘢原来都系我一厢情愿，起初我以为大家一见钟情，但最后人哋连我个名都唔记得，所有嘢都系自己幻想。”

提到本年3首作品均以虐心爱情为题，Candy自言喜欢唱惨情歌，“唱歌嘅话，我钟意唱虐心嘅歌，唱嘅时候几有feel。今年想贯彻统一一个形象。”不过连续3首惨情歌，Candy笑指发现“问题”，她说：“最近发现出太多惨情歌唔好嘅位，就系嚟紧公司有好多school tour，我觉得唔系好啱feel，对住一班学生应该要唱啲好开心或激励嘅歌，但我3首全部都系惨情歌，就系因为咁，下年我谂住出首开心啲嘅歌，又或者励志歌都可以，其实我自己作为听众，我好钟意Winka啲励志歌。”

对奖项未有谂法

而MV拍摄期间，Candy与男主角George难免有些头碰头等亲密动作，而向来“怕生保”的Candy自言不感尴尬，她表示：“BB班MV拍摄，都冇乜身体接触，尺度嚟讲幼稚园都不如，同埋好彩同George啱啱合作拍紧剧，所以要埋位嘅时候唔需要热身。”Candy透露听完MV故事后，她第一直觉需要一个高冷及神秘感嘅男主角，刚巧她跟George合作拍剧，认为对方非常合适，“佢眼神好识演戏、好charm，当要拍啲畀佢眼神‘电’到嘅镜头，我完全feel到点解喺MV度，我会有错觉佢系钟意我。”

即将踏入年底，又是乐坛各大颁奖礼派发成绩表的时候，问到Candy心情可有紧张？她谓：“冇紧张，冇特别心情，今年有好多女新人，有好多都系《全民造星IV》已认识，见证大家一齐成长同奋斗，所以我对奖项冇太多谂法；出Solo最大成长系心态，而家自己唱歌、做访问都冇以前咁‘腾鸡’见到自己呢一年成长同进步，反而更开心。妈咪心情会唔会紧张过我？妈咪从来都唔会畀奖项嘅压力我，只要我开心就好，如果我冇奖，可能妈咪颁另类奖畀我，喺我好忙嘅时候，妈咪煮饭我食，就系我忙碌完嘅奖品。”