李龙基揭未婚妻王青霞出狱生活　打理庞大家族事业：等住佢养我

现年74岁的李

龙基日前现身为HOY TV 全新饮食竞技节目《领厨争霸战》担任评判，自未婚妻王青霞（Chris Wong）出狱后，二人的感情生活一直保持低调。不过，最近就传出二人感情生变，婚期无望。对此，李龙基就向《香港01》透露未婚妻Chris的近况。

未婚妻Chris忙于打理庞大家族事业：我等住佢养我

李龙基指：“佢出返嚟之后好忙，反而仲忙过我，因为佢帮紧佢父亲嘅事业，家庭嘅事业都几庞大，所以佢有佢忙，我呢轮都好忙，自从去完美加返到嚟都未停过。（佢事业咁庞大，会唔会养埋你？）我等住佢养我㗎，真系㗎。（佢从事边方面？）因为我应承过我太太唔好讲咁多我同佢之间嘅嘢，尤其系佢屋企嘅嘢，佢屋企人都唔系太钟意我哋啲嘢成日都喺传媒里面播，所以我都尽量低调低调，总之我都好多谢大家关心，我只可以讲，我哋依家都真系几开心！”

激动澄清未婚妻Chris未有失联：话我买催情药

至于有指未婚妻Chris失联，李龙基解释：“我喺美国返嚟之后，好多人问我同太太有冇事，跟住喺加拿大请我去嘅朋友直情打畀我‘基哥，你同你太太冇嘢呀嘛？’我话咩事呀？‘佢话你太太唔见咗’我话吓？咩唔见咗？我话你帮我调查吓咩事，之后佢打返畀我，原来系我去加拿大登台，我哋影咗张相4个人唔见我太太，就系呢张相，就有好多凭点数养活自己嘅人就大做文章，话我太太唔见咗，我一个人好孤单寂寞飞咗去美加，就凭一张相就可以咁样作出嚟，我就怀疑佢系边间电视台出嚟嘅编剧，好嘢！我形容系‘一犬吠形，百犬吠声’，个个都唔执输都写，仲有一个仲离谱，话我老婆出嚟，我买催情药，心底唔好，咁样作嘢有咩意思？人一定要有良心，冇良心！”

二人感情从未受影响：几多号风球都打唔甩

虽然经常被作故仔，李龙基称已坦然面对：“我其实都几好，养活咗好多人，有一个话靠李龙基呢单嘢十几日揾咗30几万，多过我好多，仲有好多个，睇吓我养活几多人，开心嘅，但人一定要靠良心。”至于问道一直以来的新闻会否影响对未婚妻Chris的信任，李龙基称：“唔会㖞，反而我哋嘅感情非常之好，越嚟越好，佢观察我喺呢段时间点样对佢，我亦深知道佢点样对我，我相信几多号风球都打唔甩，总之多谢大家嘅关心，其实我哋真系活得几好！”

李龙基不排除生B计划：唔避㗎！我绝对系奉行呢个自然派

至于婚期，我都唔系想讲呢样嘢，我可以好肯定咁讲我哋一定活得好好。（未必会注册？）我都系唔讲，因为一讲佢屋企人会知，所以都系唔好讲。（就算结都会低调？）无错，我哋好低调，总之我哋好开心，呢个真嘅！我可以讲，晚晚我哋都讲老公我好挂住你，我又老婆我都好挂住你。”老当益壮的李龙基更不排除生B计划，他称：“随缘啦！我觉得呢样冥冥中自有安排，若然真系有就有啰。（唔会特登避孕？）唔避㗎！我绝对系奉行呢个自然派！”目前，李龙基已移居珠海筑爱巢，且没有退休计划。