空姐网红分享夸张日常 妈妈遗B放行李架、大乡里唔识如厕留屎路
撰文： 林迅景
出版：更新：
加拿大空姐网红Coco近期在香港迅速打响知名度，在港推出写真书后，亦在网上讨论区掀起一阵讨论潮。早前网红Coco接受《香港01》访问时，曾提及过自己在加拿大任职空姐，在她多年的空姐之中，原来也遇上过各种匪夷所思，的事。网红Coco接受访问时，就分享了其中两件事。
加拿大空姐网红Coco：“我试过有个客，系北京机，大约40几岁，睇衣着应该系农村去转机𠮶啲。咁佢唔识用飞机厕所，佢去疴屎。唔知佢点去，跟住用地下报纸自己踩返，踩咗出去之后架机劲臭。起初我哋又唔知边个位，跟住咪跟住条屎路，一路揾，最后就揾到个座位，系个40几岁男人。”
她续说，过程有如机上侦探一样，终于从这位男人身穿的皮鞋等，揾出“屎路原凶”。“哈，我哋问佢，先生，有啲咩可以帮到你？佢话冇：‘没事！’跟住我哋冇嘢做到，咪唯有清洁返条屎路，同埋畀啲纸巾佢，又唔可以太明显，但系佢又若无其事。”
另一件“趣事”听上去没这么重口味，却会令人有“咁都得？！”的感想。Coco续说：“试过，行程之后所有人都落晒机，我哋检查行李箱嘅时候发现有个BB！我哋咪抱个BB，揾个阿妈去咗边。跟住个阿妈冇影，之后要抱个BB去lost&found（失物认领处）。去到嘅时候，个阿妈咁跷就已经喺度，佢系个外国人嚟。佢嗌：‘我个BB呀！’走埋去抱住佢。”