吴浩康坦言自己只是普通中年男人：一班地铁有好多𠮶种

吴浩康（Deep）早前与音乐人兼好兄弟陈思捷（Cedric）随机构到非洲乌干达五天探访交流，从当地难民身上见证无数坚韧的力量与希望，其中单亲妈妈Rose的故事，更启发Deep重新思考与家人的关系。

Deep笑指未出发前对乌干达完全零认识

这次的乌干达探访之旅，旨在传递“只要在乎，就有希望”（Hope is alive when we care）的讯息，透过与逃离战火流徙至乌干达的难民交流，认识难民的处境。Deep笑指未出发前，对乌干达完全零认识，探访过后，发现是一个贫瘠的国家帮忙另外一个贫瘠国家：“我觉得乌干达政府，对苏丹及南苏丹嘅难民，真系好大嘅支援，起码有得逃离自己𠮶个国家战火嘅危险。”

探访活动包括于Bidibidi难民营及Adjumani的难民收容中心探望难民、与当地年青画家画壁画、与年青舞者跳舞，又与青少年音乐团体Nature Talent Foundation jam歌及演唱等，其中Deep被单亲妈妈Rose照顾寄养小朋友的故事，深受触动。“一个女性带住十个小朋友，四个系亲生，其他系亲戚同寄养，当中更有三个存有残障嘅问题。我谂唔少都市人都经历过婚姻问题，已经好困扰、好伤，Rose结婚，之后自己嘅国家有动荡，要走难、面对生死，谂住去新嘅地方开始新生活，又因为生咗有残疾嘅细路仔，老公好嫌弃佢，觉得佢有罪，于是离开佢。Rose，一个被嫌弃嘅人，冇嫌弃其他人，自己都未喂得饱，仲要喂十个细路仔，𠮶个爱好大。”

吴浩康受单亲妈妈难民启发

Deep坦言在都市生活的我们，家庭成员间没有经历过特别大的共同难关，很多关口都是各自面对，对比身处困境的难民：“见到佢哋走难，啲大人带住十几个细路，有啲系侄仔、外甥，或者阿嫂跟住大哥一齐走，我都会反省，系咪真系要到咁危急，先可以放低自己嘅想法，同屋企人相处？有危难嘅时候，可能最会帮你嘅，就系平日同你闹交𠮶个兄弟姊妹，如果系咁，喺平安嘅时候，又何必太挑剔对方？有时嬲，系因为我地太得闲，真系会咁，不如多啲包容。”他从难民中看见生命力与希望：“我哋喺城市生活嘅人，可能真系需要好多嘢先有盼望，但系佢哋乜都冇。”

Deep有感而发：“ （难民）佢哋做错啲咩？佢哋做啱晒都冇用，冇得拣几时、点样发生，就系发生咗。我对自己想做嘅嘢，其实冇咩信心同把握，系一股傻劲去做，做到有成果为止，喺我个世界一直冇舒适圈呢回事，因为做咩都唔舒服，行𠮶阵都会怀疑自己。佢哋畀我好大力量，‘希望’系同环境冇关，‘希望’系关自己个心事，唔系要有证据先有希望，系有希望先会发现曙光。”问到当下会如何评价自己？Deep坦言不想标签自己，任何好坏都只是局限自己：“我唔想畀太多压力自己，总之当刻对我有意义嘅事就去做，就算未必做到心里面想嘅，会唔会唔开心？唔会，因为我知道始终有日会做到。”

吴浩康直言自己只是个普通中年男人　对大众嘉许受之有愧

他又指近年得到大家的欣赏与嘉许，其实是受之有愧：“我只系个普通中年男人，一班地铁有好多𠮶种，嘉许我，我好多谢、好开心。但系实在有太多人同我一样，甚至做得比我更好。我个仔今年九月先三岁，好多人已经养到仔女长大成人，𠮶啲系咪更值得欣赏？大家用睇我嘅角度睇吓你老公，就会发现佢比呢个所谓真汉子做得多十倍，但系讲（表达欣赏）少一百倍。”Deep透露完成探访回家，看到儿子便冲过去抱抱：“系好开心，但系又证明咗，我挂住老婆多过个仔。我都唔知点解，可能识佢耐啲，会谂佢一个人喺香港顶住，都吃力㗎。起码平日我都可以帮手做啲简单嘢，但系佢连呢个喘息都冇，所以都好多谢佢。”假如将来有机会，Deep希望儿子自己去探访、亲身体验，亦希望与太太一同再去探访。

最后，Deep因为行程带来创作灵感，将与Cedric合写音乐作品，而他的乐队Closer亦会再就此创作：“应该至少有两首歌，希望九月尾音乐会前，有个好粗糙嘅录音。另外，都会同Closer自资出歌，个人方面暂时都自资先，开始铺垫自己嘅演唱会。”Deep亦受难民营两位义教画画的老师启发，计划义教帮助有需要的基层人士学习唱歌。