麻雀乐团｜郭柏妍唔敢揾监制叫李佳芯出席宣传活动：我控制唔到

郭柏妍（Rosita）今日（25/8）现身铜锣湾出席无线热播剧集《麻雀乐团》街头快闪宣传活动。提到剧集进入尾声大结局，已离巢的李佳芯仍未见出席任何宣传活动。

Rosita接受《香港01》访问时表示：“其实我哋晚晚都一家人陪住大家㗎，佢与我哋常在㗎。（冇咗李佳芯出席活动，会否觉得争咁啲嘢？）其实佢每晚都同紧我哋一齐，同埋我知佢忙紧开佢嘅剧，希望佢加油努力。（李佳芯否认赶不及返嚟，指有需要佢就会返嚟出席宣传活动！）哦⋯⋯系咩，我唔清楚太多，闻说佢真系喺𠮶边拍紧，我真希望佢身体健康，因为之前佢拍呢套剧嘅时候唔系好舒服，同埋瘦咗好多，变咗希望佢身体健康。（会唔会揾监制叫李佳芯返嚟？）我系控制唔到，如果我嘅权力系咁大，我就可以掌管全世界。（掌管TVB啦！）咁又唔够胆，我都系做打吓杂咁啦。”